Paghuhubad sa maskara sa mga communist-terrorists, bahagi ng ‘sacred duty”
- Published on June 18, 2022
- by @peoplesbalita
PINAGTANGGOL ng National Task Force to End Local Communist Armed Conflict (NTF-ELCAC) ang sarili nito mula sa panawagan ni Justice secretary Menardo Guevarra na iwasan na ang red-tagging nang walang konkretong ebidensiya.
Ang buwelta ni NTF- ELCAC spokesperson Undersecretary Lorraine Badoy sa pahayag na ito ni Guevarra ay ginagawa lamang nila ang kanilang trabaho na hubaran ng maskara ang mga “terorista”.
“At the NTF-ELCAC, we view it as our sacred duty to arm our countrymen with information and strip the masks off these terrorists who lie to steal our children away from us, who have murdered scores of our indigenous peoples and have damned the poorest among us,” ayon kay Badoy.
“Where they create confusion with their lies, we create clarity with the truth. Where they are loud and bold about their toxic lies, we are louder and bolder about the truth,” dagdag na pahayag nito.
Nauna rito, hinikayat ni Guevarra ang NTF-ELCAC na ihinto na ang pang-rered tag nito o ang ginagawa nilang pang-uugnay sa isang indibidwal o grupo sa mga makakaliwang rebelde.
Sa Kapihan sa Manila Bay forum, sinabi ng kalihim na hindi nito suportado ang ginagawa ng NTF-ELCAC na pagli-link ng mga personalidad sa mga armadong komunista.
Aniya, hindi raw ito dapat ang polisiya ng task force na binuo ng gobyerno.
Giit ni Guevarra, kung wala namang ebidensya na susuporta sa kanilang red-tagging ay mas maiging ‘wag na lang silang magsalita.
Nalalagay daw kasi sa panganib ang buhay ng mga taong ito lalo na’t nagiging target sila kahit na nagbibigay lang naman sila ng opinyon laban sa gobyerno.
Iginiit ni Guevarra na hangga’t maaari, imbes na i-label ang mga tao ay maghain na lang ng karampatang legal na aksyon basta’t mayroon itong ebidensya’t patunay na may kaugnayan talaga sila sa mga rebelde.
Para naman kay Badoy, hindi dapat mahiya ang gobyerno na tawagin ang mga sinasabing ” communist fronts” bilang terror groups.
“What has grievously endangered our people is all those decades government reneged on its sacred duty, looked the other way and refused to identify members of the CPP NPA NDF–even if they already knew who these terrorists were,” ayon kay Badoy.
Sa hiwalay na kalatas, sinang-ayunana naman ng NTF-ELCAC Legal Cluster ang paalala ni Guevarra subalit iginiit na ang “red-tagging” o pagbabansag sa mga tao bilang komunista ay ginagamit lamang ng communists groups bilang depensa.
“We are happy to inform the SOJ that the NTF-ELCAC has been doing that for the past years. Cases were filed against the CPP-NPA-NDF members, leaders, and allied front groups. The NTF-ELCAC takes the advice of the SOJ (Secretary of Justice) seriously and obediently,” ayon sa NTF-ELCAC Legal Cluster.
“If there is one thing that the SOJ and the NTF-ELCAC have in common, we both believe that there is no such thing as red-tagging, contrary to what the propaganda machinery and the propaganda template of the CPP-NPA-NDF would like to pitch to the Filipino people,” dagdag na pahayag nito. (Daris Jose)
-
DENR INALMAHAN NG TRIBONG DUMAGAT SA LUMILIIT NG MINANANG LUPAIN
BARAS, Rizal — May 800 na pamilya na kabilang sa tribong Dumagat ang umalma sa balak na palayasin sila sa kanilang minanang lupain na sakop ng mga bayan ng Tanay, Baras, at Antipolo. Sa isang panayam, bilang pinuno ng grupong Dumagat-Remontado sa Barangay San Ysiro, binanatan ni Alex Bendaña ang Department of Environment […]
-
Sa upcoming serye na ‘Pulang Araw’ BARBIE, excited na sa pagganap bilang Filipina Vaudeville performer
PROUD husband at daddy si Kuya Kim Atienza dahil sa achievement na natanggap ng kanyang wife at anak. Sa Instagram post ng Dapat Alam Mo! host, na-share niya na nakapagtapos ang kanyang wife na si Felicia ng master’s degree in Nutrition Science, samantalang ang anak niyang lalaki na si Jose ay nakapagtapos sa Tufts University […]
-
Murder suspect sa Navotas, arestado
Makaraan ang 12 taong pagtatago, naaresto na ng mga awtoridad ang isang murder suspect sa Navotas city, kamakalawa ng hapon. Ayon kay Navotas police chief P/Col. Rolando Balasabas, ang pagkakaaresto sa suspek na si Arturo Igana Jr., 28, mangingisda ng Blk 1 Lot 1 Ignacio St. Bacog, Brgy. Daanghari, na tinauriang No. 6 […]