Snatcher kinulata ng bystanders sa Valenzuela, kasama nakatakas
- Published on August 29, 2022
- by @peoplesbalita
NABUGBOG na, kulong pa ang isang snatcher matapos hablutin ang cellphone ng isang pedestrian habang nakatakas naman ang kanyang kasabwat sa Valenzuela City.
Kinilala ni PCpl Yves Alvin Savella ng Sub-Station-9 ng Valenzuela police ang naarestong suspek bilang si Eugin Kim Ocfemia, 27, ng Barangay Veinte Reales habang nakatakas naman ang kasama nito na kinilalang si Jasper Milario, ng Barangay Lingunan.
Sa pinagsamang imbestigasyon nina PSSg Julius Congson, PCpl Julius Bernardo, at PCpl Raquel Anguluan, nagsi-cellphone si Andy Morilla, 27, habang naglalakad sa kahabaan ng F. Alarcon St., Barangay Maysan dakong alas-10:15 ng gabi nang biglang hinablot ang kanyang cellphone ng mga suspek na sakay ng isang motorsiklo.
Isang rider, Grab at Lalamove rider ang nakakita sa insidente at tumulong na habulin ang mga suspek hanggang sa harangin naman ng mga bystanders ang mga ito bago pinagtulungan romansahin ng bugbog si Ocfemia habang nagawang makatakas ni Milario.
Narekober sa naarestong suspek ang cellphone ng biktima na nasa P9,000 ang halaga, dalawang pirasong kuwintas, isang pares ng hikaw at gamit nilang motorsiklo sa illegal nilang gawain
Nagpaalala naman si Valenzuela City police chief Col. Salvador Destura Jr sa publiko na maging mapagbantay habang naglalakad sa lansangan habang kinasuhan naman si Ocfemia ng theft (snatching). (Richard Mesa)
-
Nabakante ni DSWD REX GATCHALIAN, ipag-uugnay ng liderato ng Kamara sa National Peoples Coalition (NPC)
CARETAKER sa iiwang distrito ni Department of Social Welfare and Development (DSWD) Secretary Rex Gatchalian, ipag-uugnay ng liderato ng Kamara sa National Peoples Coalition (NPC). Sinabi ni Speaker Martin Romualdez na makikipag-ugnayan sila sa NPC para talakayin ang gagawing pagtatalaga ng caretaker sa congressional post na binakante ng bagong DSWD secretary. […]
-
141 na mga indibidwal na lulan nang bumagsak na eroplano ng China, patay
WALANG nakaligtas sa 132 mga pasahero at siyam na crew members na lulan ng bumagsak na Boeing 737-800 ng China Eastern Airlines malapit sa lungsod ng Wuzhou sa Guangxi region. Sa video na inilabas ng video clips ng state media ng China ay makikita ang nagkalat na maliliit na bahagi ng naturang eroplano […]
-
CARLA, magiging aligaga na sa paghahanda sa kasal nila ni TOM sa October
MUKHANG aligaga na si Kapuso actress Carla Abellana dahil hindi na magtatagal at ikakasal na sila ng fiancé niyang si Kapuso actor Tom Rodriguez. Pero heto at naka-lock in taping pa siya sa bago niyang teleserye na To Have And To Hold, with Max Collins and Rocco Nacino. Updated nga ni […]