May ginawang movie sa Switzerland na panggulat: RK, inaming career muna ang priority nila ng karelasyon na si JANE

EXCITED pero kabado at the same time si Gerald Santos sa napipinto niyang muling pagganap as Thuy sa Denmark production ng ‘Miss Saigon.’

Kailangan niya kasi mag-aral ng Danish language na mas mahirap kumpara sa German.

Panibagong challenge na naman ito for Gerald na excited na muling dalhin ang Pilipinas sa international music scene.

Sa November ang alis ni Gerald dahil kailangan daw niya na maghanda para sa rehearsals ng ‘Miss Saigon.’

Sana raw ay makisama ang boses niya dahil winter by that time. Ayon sa kanya, mas mahirap daw kumanta pag malamig ang panahon.

Pero ang maganda daw rito sa Danish production ng ‘Miss Saigon’ ay six days a week lang ang show. Hindi sila masyadong mapapagod.

Hindi pa raw niya kung ano ang gustong maging atake ng director niya for the role of Thuy. Pero sabi ni Gerald, hindi raw kontrobida ang role kundi isa rin biktima.

“Kasi ipinagkasundo na silang dalawa ni Kim ng parents nila tapos nalaman ni Thuy na in love ito kay Chris, na kalaban nila kaya mas masakit,” kwento ni Gerald sa role niya.

Pero bago umalis ay mag-perform muna si Gerald sa ‘I Will The Musical’ na gagawin sa Metropolitan Theater on October 14.

Isa itong original Filipino musical sa buhay ni Doc Willie Ong.

***

UNANG nagkasama sa pelikula sina RK Bagatsing at Jane Oineza noong 2018.

Doon din sila unang na-link pero they only made their relationship public last year sa isang TikTok video.

One and half years na raw ang relasyon nila, ayon kay RK. For now ay career muna ang kanilang priority. Sayang naman daw ang mga projects na dumarating kay Jane.

Since ngayon din lang naman bumubwelo sa career niya si RK kaya sa career din ang focus niya. Marami pa raw siyang gustong magawa sa kanyang career bilang actor.

May ginawa silang movie sa Switzerland titled ‘The Swing’. Isa itong love story na medyo sexy. Sabi ni RK na magugulat daw ang lahat sa mapapanood sa movie.

Sobrang enjoy daw silang dalawa ni Jane sa shoot nila sa Switzerland.

Two weeks sila doon and few days lang ang kanilang bakasyon. Pero sarap daw sa pakiramdam na nakarating sila doon for work and nakapasyal din.

Sulit naman daw ang five days vacation nila sa Switzerland dahil marami rin silang napasyalang lugar na first time din nila nakita.

(RICKY CALDERON)