Tiyak na isa siya sa mag-i-spoil sa unang apo: VILMA, excited na sa pagdating ni Baby Peanut at kung gaano kadalas mahihiram

HINDI mo masisisi si Ms. Vilma Santos-Recto na magiging first time lola. 

Excited na kasi siya sa nalalapit na pagsisilang ng manugang na si Jessy Mendiola sa Baby Peanut nila ng husband nitong si Luis Manzano.

At sabi nga niya sa kanyang vlog sa YouTube na may 400K followers na, “gaano ko kaya kadalas mahihiram ang aking apo?”

Ngayon pa lamang ay maitatanong mo na rin kay Vilma kung gaano kaya niya ii-spoil si Baby Peanut?  Hindi ba ang mga lola at lolo raw ang mas umi-spoil sa kanilang mga apo, lalo pa kung kasama mo sila sa bahay?

Good luck, Ate Vi!

***

ISA ba kayo sa unang nakapanood ng world premiere ng number one reality show ngayon sa bansa, ang Running Man Philippines? 

Pinuri at nag-trending agad ang show na players sina Mikael Daez, Glaiza de Castro, Ruru Madrid, Kokoy de Santos, Angel Guardian, Lexi Gonzales at Buboy Aguilar.

Ilan sa mga comments ng mga netizens… @paulolim “Such a great show.  The Chinese version is fantastic and now the Philippine version on @GMANetwork is just as entertaining”, @EmpressKxxx  “Nakangiti lang ako the whole time while watching the activity of the runners” @noonrisie. “Watching the world premiere of Running Man Philippines was an opportunity for a lot of families to bond during Saturday and Sunday nights.  My mom and

Nag-post naman sa kanyang Instagram si GMA Network’s Senior Vice President for Entertainment Group Ms. Lilybeth G. Rasonable, na kasamang nag-shoot ng Running Man Philippines sa South Korea.

“I could not fully grasp why we could not shoot for more days in a week until I saw for myself the amount of energy, patience,  and discipline the show demanded from the runners.

“Matinding pagod, sa gitna ng ulan at sa ilalim ng araw, mabilisang meal breaks, may nasaktan at nasugatan, at sa loob ng isang buwan at kalahati, mag-isa sila, walang plus 1, malayo sa kanilang mga mahal sa buhay.  Sa gitna ng lahat ng ito, di ako nakarinig ng reklamo ni minsan.

“They savoured every minute of this once-in-lifetime experience.  Kudos to all of you, our dear Runners! You are all pros!”

Dahil twice a week nga lamang napapanood ang Running Man PH, Saturday at 7:15PM, after Pepito Manaloto and on Sunday, 7:50PM, after Happy ToGetHer, excited ang mga viewers ng mga susunod pang gagawin ng mga players na mga pagsubok.

                                                            ***

KUNG si Ruru Madrid ang isa sa hinahangaan sa “Running Man PH,” mahal na mahal din ng mga netizens ang kanyang number one drama series sa GMA Telebabad na “Lolong.”

Sabi nga nila, tiyak daw na ang girlfriend niyang si Bianca Umali, ang tunay niyang inspiration para magampanan lahat ng mga roles na kanyang ginagawa.

Inamin naman ito ng Kapuso action-drama actor, nang mag-guest siya kay Toni Gonzaga sa YouTube channel nito.

Nalaman din ni Toni na sa pagmamahal ni Bianca kay Ruru, nagpa-convert pa siya bilang member ng Iglesia Ni Cristo.

“For a woman to convert her religion, it’s a big step and she’s really parang showing you her commitment.  That she wants to share the same faith na meron ka.  Kaya I would say at this point of our relationship, yes po, she’s the one.  Parang lahat po ng gusto ko sa isang babae, na kay Bianca na.”

Matatandaan na after ng shoot ni Ruru ng ‘Running Man PH’ sa South Korea, nag-stay pa siya ng another day, sila ni Mikael, at hinintay nila ni Ruru ang pagdating doon ni Bianca at ni Megan Young.