2 Christmas Tree pinailawan sa Navotas
- Published on November 26, 2020
- by @peoplesbalita
Bilang hudyat na papalapit na ang kapaskuhan, isinagawa ng Pamahalaang Lungsod ng Navotas ang taunang pagpapailaw sa kanilang malaking Christmas Tree para ipadama sa mga Navoteño ang diwa ng Pasko.
Sinaksihan nina Navotas City Mayor Toby Tiangco at Congressman John Rey Tiangco ang isinagawang Virtual Lighting ng Navotas Christmas Tree na matatagpuan sa harapan ng Navotas City Hall Grounds at Navotas City Walk and Amphitheater, ganap na ala-6 ng gabi noong November 21.
Ayon kay Mayor Tiangco, para sa kaligtasan ng lahat ay isinagawa ang programa sa pamamagitan ng online sa Navoteño Ako kung saan kabilang din sa mga sumaksi si Vice Mayor Clint Geronimo.
Sinabi pa niya na dati ay isang malaking Christmas Tree lang na matatagpuan sa C-4 Road, ngayon ay mayroon na rin isa pang Christmas Tree sa harap ng city hall na sabay nilang pinailawan.
Layon nito na ipadama sa mga Navoteño ang diwa ng Pasko sa kabila ng mga maraming pagsubok sa buhay.
“Marami man tayong napagdaaanang hamon ngayon taon, buhay na buhay sa atin ang pag-asa ng pagbangon. Sama-sama nating ipagdiwang ang pag-asang ito. Saksihan ang pagliwanag ng ating lungsod sa taunang pag-iilaw sa ating Christmas Tree”, pahayag ng magkapatid na Tiangco.
Sa kanilang talumpati sa pamamagitan online, nagpasalamat ang magkapatid na Tiangco sa mga nakiisa sa programa at sa mga nagpaabot ng pagbati sa kanilang kaarawan lalo na sa mga Navoteño. (Richard Mesa)
-
Ex-DoH Sec. Garin, 9 iba pa pinakakasuhan
Pinasasampahan na ng Department of Justice (DoJ) panel ng patong-patong na kaso sina dating Health Sec. Janet Garin at siyam na iba pa kaugnay ng ikalawang batch ng Dengvaxia case. Sa 78 pahinang resolusyon na inilabas noong Pebrero 19, 2020, kasama sa mga pinasasampahan ng kasong reckless imprudence resulting to homicide sa korte ang […]
-
PDU30, tinintahan ang 4 na batas na naglalayong magtatag, mag-upgrade ng mga ospital
NILAGDAAN ni Pangulong Rodrigo Roa Duterte ang apat na batas na ngalalayong magtatag at i-upgrade ang mga lokal na ospital sa bansa. Ang newly-signed measures ay Republic Act No. (RA) 11702, magtatatag sa Southern Luzon Multi-Specialty Medical Center sa Tayabas City; RA 11703 magtatatag sa Samar Island Medical Center sa Calbayog City; at […]
-
Pwedeng sabihin sa mga ex-bfs na, ‘ eto pala ang sinayang mo’: HEAVEN, pasabog ang pa-2-piece bikini sa kanyang mga beach photos
NAG-TRENDING si Enrique Gil o ang pangalan niya sa Twitter dahil sa lumabas niyang picture kasama ang mga ABS-CBN executives, gayundin ang kanyang ina. Na-excite at obviously, nabuhayan ng loob ang mga tagahanga ni Enrique sa pahiwatig na magiging comeback niya. Simula ng pandemic, hiatus o tila namahinga rin si Enrique. […]