P11.5 bilyong One COVID-19 allowance, inilabas ng DBM
- Published on October 7, 2022
- by @peoplesbalita
INAPRUBAHAN ng Department of Budget and Management (DBM) ang pagpapalabas ng P11.5 bilyon para sa One COVID-19 Allowance/Health Emergency Allowance (HEA) claims ng mahigit sa 1.6 milyong kwalipikadong public at private health care at non-health care workers (HCWs).
Sakop ng Special Allotment Release Order (SARO) ang hindi napondohang OCA/HEA claims ng mga health care at non-health care workers para sa Enero hanggang Hunyo 2022.
Sinabi ni DBM Secretary Amenah Pangandaman na nararapat lamang na suportahan at tulungan ng pamahalaan ang mga manggagawa sa pangangalagang pangkalusugan dahil inilalagay nila sa panganib ang kanilang buhay sa gitna pa rin ng umiiral na pandemya.
Una nang inilabas ng DBM nitong Oktubre 3 ang P1.04 bilyon na nakalaan para sa pagbabayad sa nalalabing 55,211 na hindi nababayarang Special Risk Allowance (SRA) ng mga kuwalipikadong HCW at non-HCWs mula Setyembre 2020 hanggang Hunyo 2021.
Kaugnay nito, inuumpisahan nang iproseso ng Department of Health (DOH) ang pamamahagi ng P1.04 bilyon at P11.5 bilyong inilabas ng DBM para sa benepisyo ng mga healthcare workers.
Inihahanda na ang DOH ang mga panuntunan para sa “sub-allotment” at ipinaalam na sa mga “regional counterparts” sa Centers for Health Development (CHDs) na maghanda na ng mga kaukulang dokumento para mapabilis ang disubursement ng mga pondo.
Sa kabila nito, nangangailangan pa rin ang DOH ng dagdag na pondo para mabigyan ng alokasyon ang mga serbisyo na naisagawa ng mga HCWs mula Hulyo 2021 hanggang sa kasalukuyan.
Base ito sa Republic Act No. 11712 o ang “Public Health Emergency Benefits and Allowances for Health Care Workers Act”. (Daris Jose)
-
ANGEL, mawawalan ng mga posibleng roles na puwede pang magampanan dahil sa laki ng itinaba
SOBRANG laki na ni Angel Locsin. May nakita kaming recent picture niya na kunsaan, naka-long dress ito at nagulat kami dahil ang laki ng itinaba niyang talaga. Kung health related ang nagiging weight gain ni Angel, sana nga ay ma-address ito ng maayos dahil nakahihinayang din kung dahil sa paglaki ng […]
-
Phivolcs binawi ang tsunami warning matapos ang 7.5 lindol sa Taiwan
BINAWI ng Phivolcs ang nauna nitong tsunami advisory matapos ang magnitude 7.5 na lindol na tumama hilagangsilangan ng Taiwan. Miyerkules nang nagbabala ng “high tsunami waves” ang Phivolcs sa ilang bahagi ng Pilipinas na kaharap ng Karagatang Pasipiko, kabilang na ang Batanes Group of Islands, Cagayan, Ilocos Norte at Isabela. “Based […]
-
Pagsa-surfing ni YASSI, malaking tulong para mabalanse ang kanyang mental health
DALAWANG taon ding hindi gumawa ng teleserye si Lauren Young dahil naging malaking issue sa kanya noon ay ang kanyang katawan. Sa dalawang huling teleserye ni Lauren sa GMA na Hiram Na Anak at Contessa, kapansin-pansin ang paglaki ng katawan niya at nagdala raw iyon ng malaking insecurity sa kanya. Pero ngayon ay […]