“Depektibong” National ID system rollout, pinasisiyasat
- Published on October 13, 2022
- by @peoplesbalita
PINASISIYASAT ni House Deputy Minority Leader Bernadette Herrera sa Kamara ang mabagal at ‘ depektibong’ rollout ng National ID system sa bansa.
Sa House Resolution 471, dapat magpaliwanag ang mga ahensiya ng gobyerno na siyang nangangasiwa sa naturang prokyeto kabilang na ang Bangko Sentral ng Pilipinas (BSP), National Economic and Development Authority (NEDA), at Philippine Statistics Authority (PSA).
Isinuwestiyon din ng mambabatas ang pagpalit sa kasalukuyang liderato ng PSA dahil umano sa “inefficiencies” nito sa pagpapatupad ng Philippine Identification System (PhilSys), na dapat sana ay magpapabuti sa pagbibigay ng serbisyo publiko.
“An accountability mechanism must be established to allow a closer look into what went wrong, or what may still be improved, in the implementation of the National ID system,” ani Herrera.
Ang PhilSys project na nabuo sa pamamagitan ng Republic Act 11055.
Nang tumama ang COVID-19 pandemic sa bansa noong 2020, ipinag-utos noon ni dating Presidente Rodrigo Roa Duterte ang agarang implementasyon ng PhilSys project para mabilis na matukoy ang mahihirap na pamilya na kabilang sa government cash aid kapag may lockdowns.
Naatasan ang BSP na magpaggawa at magpadala ng 116 million pre-personalized IDs mula 2021 hanggang 2023.
Subalit, nabatid sa Commission on Audit (COA) na hanggang December 31, 2021, nasa 27,356,750 pre-personalized cards o 76% ng 36 million required number ng IDs ang napamigay ng BSP.
Bago nito, sinabi ng COA na nagawa lamang ng BSP na mamahagi ng 8,764,556 personalized cards, o 17.53% ng 50M kinakailangang bilang ng IDs para sa taong 2020 at 2021.
Sinabi ni Herrera na bukod sa pagkaka-delay na maabot ang quota para sa bilang ng ID cards ay may mga reklamo di sa inaccuracy ng personal information at malabong imahe o litrato sa cards, at hindi na ring mabasa pagkatapos ng tatlong buwan.
May mga ulat din ng hacking, na pinangangambahan sa pagkalat ng personal data o sensitibong personal information ng mamamayan.
Batay pa sa government records, sinabi ni Herrera na nasa 21M Pinoy ang nakatanggap ng kanilang physical national ID cards mula sa mahigit na 70M na nakapagparehistro.
Napansin din ng COA na sa total na P28.4 billion alokasyon para sa PhilSys project, tanging P6.8B ang nailaan simula 2018. (Ara Romero)
-
PNP chief handang ipaliwanag ang ‘cover up’ sa Senado
HANDA umano si Philippine National Police (PNP) chief Gen. Rodolfo Azurin, Jr. na humarap at magpaliwanag sa Senado sakaling magkaroon ng imbestigasyon hinggil sa umano’y cover up sa P6.7 bilyong halaga ng shabu na nasabat sa Maynila noong nakaraang taon. Ayon kay PNP-PIO chief PCo. Red Maranan, tatalima ang PNP dito matapos na […]
-
ANYARE RFID!
Perwisyo at pasakit ang dinulot sa mga motorista sa unang araw pa lang ng “One Hundred Percent RFID” campaign sa mga tollways. Madaling araw pa lang, ilang kilometro na ang traffic papasok at palabas sa mga tollways. Sa report ng media ay umabot sa limang kilometro ang haba ng linya ng traffic sa NLEX at […]
-
Cruz may 3-year deal sa SMB
PUMIRMA si Jericho Cruz ng tatlong taong kontrata sa San Miguel Beer matapos mapaso ang kontrata nito sa NLEX Road Warriors noong Lunes. Mainit na tinanggap si Cruz ng pamunuan ng Beermen sa pangunguna nina team governor Robert Non at team manager Gee Abanilla. Kasama ni Cruz sa contract signing si […]