49 napaulat na namatay, mahigit isang milyong katao apektado ng Paeng —NDRRMC
- Published on November 2, 2022
- by @peoplesbalita
TINATAYANG umabot na sa 49 katao ang namatay habang mahigit isang milyong katao naman ang apektado ng pananalasa ng Severe Tropical Storm Paeng (international name: Nalgae).
Sa “8 a.m. situational report” ng National Disaster Risk Reduction and Management Council (NDRRMC), sinabi nito na 37 katao ang kumpirmadong namatay habang 11 naman ang nananatiling bina- validate.
Tinatayang 40 naman ang mula sa Bangsamoro region lamang, sinundan ng tatlo mula sa Soccsksargen, dalawa sa Western Visayas at dalawa sa Eastern Visayas, habang isa naman sa Bicol region.
Mayroon namang 22 indibidwal ang napaulat na nawawala habang 40 naman ang nasaktan.
Sa kabilang dako, may kabuuang 932,077 katao o 277,383 pamilya ang apektado sa 2,445 barangay sa Cagayan Valley, Central Luzon, Calabarzon, Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Davao Region, Soccsksargen, Caraga, Bangsamoro, at Cordillera Administrative Region (CAR).
“As of Sunday,” 168,453 displaced people o 44,847 pamilya ang nananatili sa 2,125 evacuation centers, habang 196,293 displaced people o 88,348 pamilya ang nananatili sa labas ng evacuation centers.
Mayroon namang 40,319 katao o 10,948 pamilya ang “preemptively evacuated” sa iba’t ibang rehiyon dahil kay Paeng.
Ang pinsala sa agrikultura ay umabot naman sa P54,965,924.13 sa Western Visayas at Soccsksargen ayon sa Department of Agriculture.
Nakapagtala naman ang NDRRMC ng 714 houses damaged dahil kay Paeng, may 555 ang partially damaged at 159 naman ang totally damaged.
Mayroon namang 147 lansangan at 53 mga tulay ang hanggang sa ngayon ay hindi madaanan dahil kay Paeng.
May kabuuang 124 lungsod at munisipalidad ang nakaranas ng kawalan ng suplay ng kuryente.
Gayunman, naibalik naman na ang suplay ng kuryente sa 31 lugar.
Tinatayang 8 lungsod at munisipalidad ang nakaranas ng water supply interruption. Wala naman sa mga nasabing lugar ang naibaik agad ang suplay ng tubig ayon sa NDRRMC.
Sinasabing may 39 lugar sa Eastern Visayas ang dumanas ng interruptions sa kanilang communication lines.
Mayroon namang 75 seaports ang napaulat na non-operational o nagdeklara ng suspensyon ng byahe.
Sa airports o paliparan, 143 domestic at 20 international flights ang kanselado.
May kabuuang 7,782 pasahero, 2,433 rolling cargoes, 68 vessels, at 20 motor bancas ang na-stranded sa National Capital Region (NCR), Calabarzon, Mimaropa, Bicol region, Central Visayas, at Eastern Visayas.
Idagdag pa, sinabi ng NDRRMC na mayroong 379 flooding incidents, 60 landslides, anim na flash floods, 11 fallen o uprooted trees, at isang roadslip dahil kay Paeng.
Dahil sa bagyo, may 662 klase at 201 work schedules ang suspendido.
May kabuuang 55 lungsod at munisiplaidad ang idineklarang nasa ilalim ng state of calamity. (Daris Jose)
-
Tuloy ang imbestigasyon ng Senado sa ABS-CBN
ITUTULOY pa rin ng Senado ang planong pag-imbestiga sa prangkisa ng ABS-CBN Corporation sa kabila ng paghahain ng gag order motion ng Office of the Solicitor General sa Korte Suprema. “A motion for a gag order is what it is. Just a motion. The Supreme Court will still have to decide on it under […]
-
Sandra Bullock Announced She‘s Taking A Break From Acting
ACADEMY Award-winning actress and producer Sandra Bullock has announced that she is taking a break from her acting career. Bullock first emerged on the Hollywood scene in the early ’90s with standout performance in movies like Demolition Man with Sylvester Stallone, Speed with Keanu Reeves, and Irwin Winkler’s The Net. The actress continued her run with a string […]
-
5 lumabag sa curfew sa Caloocan, nahulihan ng shabu
Kulong ang limang indibidwal kabilang ang dalawang ginang na nahuli dahil sa paglabag sa curfew matapos makuhanan ng shabu sa magkahiwalay na lugar sa Caloocan city. Dakong 1:50 ng madaling araw, nagsasagawa ng “Oplan-Galugad” sa Warayan Street, Minamonte Heights, Barangay 180 ang mga pulis nang mamataan nila sina Marco Nazul, 52, construction worker […]