Single rin ang gusto niyang makarelasyon: CIARA, nagulat na lang na nali-link pala kay JAMES

PARANG si Buboy Villar ang isa sa pinaka-guwapong leading man ng taong ito, huh!

Sa GMA-7 na lang ay ilang Kapuso actresses na ang patok din ang tandem sa kanya.

At sa kanyang bagong movie, ang ‘Ang Kwento ni Makoy’ direksyon ni HJCP at produksyon ng Masaya Studio Inc., kung hindi namin napanood ang advance screening, hindi siguro kami maniniwala na may kilig talaga sa pagitan nila ng baguhang Sparkle artist at in fairness, very promising na leading lady niya from Cebu na si Bella Thompson.

Hindi ito ang unang lead role ni Buboy sa movie, pero sabi rin niya, “may mga ginawa na po akong pang-international films, pero as a nurse, first time. At first time ko rin na may kinikilig pala sa akin?! Ha ha ha!”

Pero sa totoong buhay, may nagpapakilig ba sa kanya?

“Teka lang, single father kasi ako. Parang hindi ko na alam ang pakiramdam ng kilig ulit. Sa totoo lang ha, nalimutan ko po. Siguro happy po ako sa career na tinatahak ko ngayon. Happy ako sa family ko. Happy ako sa nanay ng mga anak ko, kasi happy kami. Happy ako kasi, malalaki na mga anak ko.”

Saka namin siya tinanong kung bakit sini-ship talaga sila ni Jelai Andres?

“Ano po kasi, bff ko po kasi si Jelai. At habambuhay, kaibigan niya ko. Wala lang ‘yon,” natawa niyang sabi.

Tungkol sa kuwento ng COVID-19, pandemic ang ‘Ang Kwento ni Makoy’ na more than the kilig, siguradong makaka-relate ang lahat at maantig ang puso ng manonood. Masasabi rin namin na mahusay ang pagkakagawa ng pelikula. Kaya sana, marami ang manood simula sa December 7.

Sa totoong buhay, hindi pa raw nagkaka-covid si Buboy.

“Thank God po, para pong aspalto ang immune system ko. Hindi naman po nangyari.”

Pero humugot daw siya sa role ni Makoy dahil para sa kanya, may mga similarities sila sa totoong buhay.

“Meron kaming similarities, pero ayoko na pong isa-isahin dahil ayokong umiyak ako. Pero masasabi ko na bilib ako sa kanya at sana ako siya.

“Hindi ko po masasabing gano’n ako, kasi, nobody’s perfect. Pero sana ako siya,” sey niya.

***

NAGULAT din si Ciara Sotto na nali-link pala siya kay James Yap.

Eh, nakiki-game rin sa tila mga hirit sina Ruffa Gutierrez at Mariel Rodriguez.

Magkakasama for the very first time sina Ciara, Ruffa at Mariel sa bagong show ng ALL TV, ang ‘MOMs’ (Mhies on Mission)’ na magpa-pilot na simula sa Lunes, November 28, 11am to 12nn. Monday to Friday.

So hayun na nga, biglang nali-link si Ciara sa ex husband ni Kris Aquino who is very much married to Mikaela Cazzola kunsaan, may dalawa silang anak.

So, nilinaw na ni Ciara sa naging mediacon ng ‘MOMs’ na very much single siya. At kung may isa man siyang requirement sa future na makakarelasyon niya, dapat ay single rin ito.

Na-isyu sina Ciara at James dahil lang daw nagkataon na sila ang nagkatabi sa table at magka-chika noong birthday party ni Annabelle Rama.

“But no, nothing, wala talaga. Saka hello, nakakahiya sa family niya. Wala talagang issue, “ paglilinaw nga ni Ciara.

Sa isang banda, in fairness, presscon palang, kitang-kita na namin ang ganda ng combination nilang tatlo. Siguradong mag-eenjoy sa mga chikahan pa lang nila sa MOMs, e, ang maganda, may mga mission pa silang gagawin na marami ang magugulat na kaya pala nila.

Kaya ngayon pa lang, ang Christmas wish na ni Ciara ay sana raw, marami ang manood ng morning show nila.

(ROSE GARCIA)