Kinilig nang makapasok sa ABS-CBN: Say ni ROCHELLE kay COCO, yumaman lang pero ‘di nagbago

HINDI maitago ng Kapuso star na si Rochelle Pangilinan ang labis na kasiyahan at pagkakilig na nakapasok at nakatuntong siya sa loob ng ABS-CBN.

Isa si Rochelle sa cast ng 2022 MMFF entry ng Star Cinema na “Labyu with an Accent” na pinagbibidahan nina Coco Martin at Jodi Sta. Maria.

Nag-attend si Rochelle ng mediacon ng movie na ginanap sa Dolphy Theater at agaw-pansin talaga sa kanyang OOTD na mukhang pinaghandaan talaga ng husto ang pagpasok niya sa Kapamilya network.

Sabi ni Rochelle, “Sa totoo lang po talaga, kinukuwento ko nga kanina kay Jodi, mula pagpasok ko from parking, from building ng ABS-CBN, talagang kinikilig talaga ‘ko. 

“Hanggang sa nag-aayos ako. Hanggang sa tinuturo na sa akin ni Jodi lahat… ‘heto, may chapel kami rito.’ Ha?! Eh, ‘di ikaw na.”

Obvious na naging close sina Rochelle at Jodi habang sinu-shoot nila ang movie. Ayon kay Rochelle, ibang klase raw na kaibigan si Jodi. At may pina-plano na nga raw silang schedule na lalabas sila ngayong December.

Talagang parang bata si Rochelle na nabigyan ng ice-cream sa pagkakatungtong niya sa ABS-CBN compound.

Sey pa niya, “Ang saya-saya ko po talaga at siyempre, grateful po ako na pinayagan ako ng GMA na makatawid.

“And sobrang lahat ng experience ko sa movie na  ‘to, simula nang sinabi sa akin ng manager ko na may movie po ako with Coco, o gusto mo ba?”

Game raw agad ang sagot niya. At the same time, curious din daw siya na makita at malaman kung ano na nga ngayon si Coco na na na naka-trabaho naman niya dati sa ‘Daisy-Syete.’

At sabi nga ni Rochelle, never raw itong nagbago bukod physical look na hindi tumatanda, kahit sa ugali, gano’n pa rin daw ito ka-humble.

“Yumaman lang, pero gano’n pa rin siya.”

***

MAY pakiramdam kami na magiging hit ang theatrical play na “Dicktalk” na produce ni Eboy Vinarao ng V-Roll Media Ventures in cooperation with Trifecta Brand Lab as headed by Tristan Cheng.

Sina Jake Cuenca, Mikoy Morales, Gold Aceron at ang transmen na si Nil Nodalo ang cast at mukhang pasabog talaga dahil meron daw talagang magpapakita ng kanyang “dick” sa show.

Eh, mga game rin sila dahil sa presscon pa lang, game na game na talagang sumagot sa lahat ng mga tanong na tungkol sa kanilang mga dick o ari.

Definitely, may social relevant ang play. Ipapakita rin daw rito kung ano rin ang pinagdadaanan ng mga kalalakihan.

Humanga kami sa kaprangkahan nilang apat, lalo na kay Mikoy na nang tanungin namin kung bilang lalaki, naaapektuhan ba sila kapag tila sinusukat ang pagka-lalaki niya kung dyutay o daks.

Sabi ni Mikoy, siya raw dati dahil alam niyang maliit ang sa kanya. Pero eventually, nalaman niya na wala ito sa sukat.

O ha!

Sample lang ang ganitong pagiging straight forward nila dahil tiyak pasabog sa mismong play on April 2023 sa RCBC Theater.

(ROSE GARCIA)