Tiyak na maraming makaka-relate sa ‘Ang Kwento ni Makoy’: BUBOY at BELLA, magpapakilig at magpapaluha sa kanilang unang pagtatambal

PALABAS na ngayon sa mga sinehan ang romcom movie na “Ang Kwento ni Makoy” na pinagbibidahan ng former child star-turned-comedian na si Buboy Villar at ka-partner niya ang promising actress na si Bella Thompson.

Ang inspirational movie na magpapakilig at magpapaluha sa manonood ay tungkol sa isang masayahin at mapagmalasakit na nurse na si Makoy (Buboy) na mag-aalaga sa isang masungit na writer na si Ched, na COVID patient (Bella).

Mula ito sa direksyon ni HJCP at produksyon ng Masaya Studio Inc. Bukod sa bagong magka-loveteam na sina Buboy at Bella, kasama rin sa “Ang Kwento ni Makoy” ang mga emerging stars na sina Elan Villafuerte, Jimson Buenagua, Ranz Aganan, Angelita Loresco, Kenneth Mangurit, at Kharyl Shanti Ibnohasim na kilala sa larangan ng Philippine indie films at indie theatrical plays.

Nabigyan din ng chance sa movie ang mga new faces in the industry na sina Caroline Perla, Jonna Sibonga, at Prince Euri Feliciano.

Kinunan ito noong kasagsagan ng pandemya, ang istorya ng “Ang Kwento ni Makoy” ay iikot sa kakaibang onscreen chemistry nina Bella at Buboy kung saan mamahalin ang kani-kanilang character na ginampanan.

Sigurado kaming maraming makaka-relate sa bawat eksena na may kinalaman sa pandemya. Kaya magbaon ng panyo at pamunas, dahil tiyak ang tutulo ang inyong mga luha.

Pahayag ni Direk HJCP, “The pandemic had a huge impact on our lives. During the lockdown, everyone was looking for that beacon of hope to continue moving forward.

“The main character, Makoy, embodies that and, through him, we are reassured that no matter what trials we live through, everything will eventually fall into place.”

Naka-relate naman si Buboy sa kanyang role, “Actually meron kaming similarities ni Makoy na parang gusto ko mapasaya kayong lahat, gusto ko maibigay yung nararapat para sa inyo, gawin ang trabaho ko.

“I mean si Makoy ganu’n din siya ang sa kanya lang too much yung pag gawa niya. Kaya mahal na mahal ko si Makoy.”

Pahayag naman ni Bella, “Very grateful ako na kasama ko dito sa Buboy, kasi tinutulungan niya ako when it comes to acting.”

Panoorin at husgahan ang different side ni Buboy Villar sa kanyang latest comedy-drama, “Ang Kwento ni Makoy,” palabas na nationwide at panoorin ang official trailer below: https://www.youtube.com/watch?v=bHnh9icsQno

For more information, like and follow the official Facebook page of
‘Ang Kwento ni Makoy’ at https://www.facebook.com/KuwentoniMakoy or
visit Masaya Studio’s official website at www.masayastudio.com.

(ROHN ROMULO)