PBBM, in-adjust ang dividend rate ng DBP para sa taong 2021
- Published on December 17, 2022
- by @peoplesbalita
IN-ADJUST ni Pangulong Ferdinand R. Marcos Jr. ang porsiyento ng annual net earnings na idedeklara ng state-run Development Bank of the Philippines (DBP) para sa taong 2021.
Sa katunayan, ipinalabas ni Pangulong Marcos ang Executive Order (EO) 8, na naglalayong tapyasan ang dividend rate ng DBP ng hanggang zero% mula sa kasalukuyang 50% ng annual earnings nito.
Ang downward adjustment ay isinagawa kasunod ng rekomendasyon ni Finance Secretary Benjamin Diokno.
Bukod dito, ipinag-utos ni Pangulong Marcos ang pagbabawas para suportahan ang capital position ng DBP, payagan itong sumunod sa regulasyon ng Bangko Sentral ng Pilipinas at panatilihin ang papel nito sa economic recovery ng industriya na labis na naapektuhan ng coronavirus disease 2019 (Covid-19) pandemic.
“The various programs of the DBP aim to address gaps in the agricultural sector and increase the resilience of the agricultural value chain in the pursuit of national food security,” ang nakasaad sa EO.
Binigyang diin sa EO 8 na ang programa ng DBP ay naglalayong magbigay ng credit support para sa ‘infrastructure and logistics facilities; micro, small and medium enterprises; environment and social services; and community development, to drive immediate economic growth and recovery.”
“The adjusted dividend rate set forth in Section 1 of this Order is applicable only to the DBP for CY (calendar year) 2021,” ayon sa EO 8.
Base sa ilalim ng Republic Act (RA) 7656, ” all government-owned or -controlled corporations (GOCCs) are mandated to declare and remit at least 50 percent of their annual net earnings as cash, stock or property dividends to the national government.”
Gayunman, ang Pangulo ng Pilipinas ay maaaring i- adjust ang porsiyento ng annual net earnings na idedeklara ng GOCC, para sa kapakanan ng national economy at general welfare, ayon sa RA 7656.
Ang EO 8, ay tinintahan ni Pangulong Marcos noong Disyembre 9, at kaagad naging epektibo. (Daris Jose)
-
Seguridad sa pagsisimula ng campaign period para sa national candidates, maaasahan – PNP
TINIYAK ng pamunuan ng Philippine National Police (PNP) na kanilang bibigyan ng standard security package ang mga kandidato sa national elections sa pagsisimula ng campaign period, February 8, 2022. Ayon kay PNP chief General Dionardo Carlos, handa na ang latag ng kanilang seguridad para matiyak na magiging mapayapa ang panahon ng kampanya hanggang […]
-
Arrest order ng China simula na ngayon
TINIYAK ng Armed Forces of the Philippines (AFP) na tuloy lamang sila sa kanilang tungkulin sa kabila ng banta ng China na sisimulan na ngayon ang paghuli sa mga “trespassers” sa South China Sea at ilang lugar sa West Philippine Sea. Ayon kay AFP Public Affairs Office chief Col. Xerxes Trinidad, tuluy-tuloy […]
-
Oktubre 31, deklaradong special non-working holiday; long weekend nag-aantay
INIANUSYO ngayon ni Office of the Press Secretary officer in charge Usec Cheloy Garafil na pinirmahan na ni Pangulong Ferdinand Marcos Jr. ang isang proclamation na nagdideklara sa October 31 ngayong taon bilang special non working holiday. Sinabi ni Garafil na ito ay para mabigyan ng mahaba-habang panahon ang ating mga kababayan na […]