Phoenix Suns nalusaw kay Jimmy Butler, Heat
- Published on January 9, 2023
- by @peoplesbalita
SINANDALAN ng Miami Heat si veteran scorer Jimmy Butler upang pasukuin ang Phoenix Suns, 104-96, sa 2022-2023 National Basketball Association (NB) regular season game kahapon.
Tumikada si Butler ng 20 puntos, anim na assists at limang rebounds upang tulungan ang Heat na ilista ang 21-19 karta at hawakan ang No. 8 spot sa Eastern Conference.
Nakatuwang ni Butler si Victor Oladipo matapos umiskor ng season-high 26 points off the bench, bumakas naman si Bam Adebayo ng 21 markers at 11 boards.
“There are some good things happening,” saad ni Fil-Am Heat head coach Erik Spolestra. “And that’s with a lot of moving parts, guys in and out of the lineup. More than anything, I respect that our guys are not making excuses for the moving parts.”
Dominado ng Heat ang buong laban, hawak nila ang bentahe sa simula pa lang ng bakbakan, malaking tulong sa kanila sina Butler at Oladipo.
“He’s been getting more comfortable, more confident and getting his legs under him,” patungkol ni Spolestra kay Oladipo. “He’s a big-time X-factor for us on both sides of the floor.”
Maagang ipinaramdam ng heat ang init ng kanilang opensa nang hawakan ang pitong puntos na bentahe, 30-23, sa pagtatapos ng first quarter.
Sa second half ay sinabayan na lamang ng Miami ang bilis ng Phoenix kaya nanatili ang kanilang bentahe sa fourth period. (CARD)
-
Feeling blessed sa magkasunod na serye: GABBI, kasama sa pagbabalik-tambalan nina RICHARD at JODI
FEELING very blessed si Global Endorser Gabbi Garcia dahil after niyang gawin ang mystical primetime mega-serye na “Mga Lihim ni Urduja,” may kasunod agad siyang bagong project. Makakasama ni Gabbi ang mga kapwa Encantadia stars niya na sina Kylie Padilla at Sanya Lopez, kasama rin nila sa cast sina Jeric Gonzlaes, Kristoffer Martin, […]
-
Mahigit sa 879,000 namatay, naitala para sa taong 2021
ITINUTURING ng Commission on Population and Development (PopCom) na “deadliest” sa kasaysayan ng Pilipinas ang naitalang 879,000 filipinong namatay noong 2021. Sinabi ni PopCom executive director, Undersecretary Juan Antonio Perez III na ang kabuuang 879,429 na namatay na filipino ay batay sa ulat ng Philippine Statistics Authority (PSA) noong nakaraang taon. […]
-
Santiago, Ageo Medics kampeon sa V.League
HUMAMBALOS ng mahalagang 11 points sa pamamagitan ng nine attacks at two blocks si Alyja Daphne ‘Jaja’ Santiago para kargahin ang Saitama Ageo Medics sa pagtaob sa NEX Red Rockets, 26-24, 20-25, 25-21, 25-17 upang magkampeon sa 27th Japan V.League Division 1 V Cup 2021 sa Ota City General Gymnasium sa Tokyo Linggop, Marso 28. […]