Napaganda pa dahil pang-primetime: SOFIA at ALLEN, inamin na kinabahan kung bakit ‘di naipalabas last year ang teleserye

INAMIN ng AlFia loveteam nina Sofia Pablo at Allen Ansay na kinabahan sila kung bakit hindi pa raw naipalalabas last year ang kanilang natapos na teleserye na Luv Is: Caught In His Arms. 

Noong July 2022 pa raw nila natapos ang buong teleserye noong mag-lock-in taping sila sa Baguio City. October ang sinabi sa kanilang airing date ng Luv Is, pero hindi ito natuloy.

“Sa totoo lang po, akala namin may naging problema kaya hindi pa nila ineere. Nandoon yung kaba na baka hindi siya lumabas na maganda o baka may kailangan palitan.

“Pero hinihintay lang daw nila ang perfect timing at maganda raw na ipalabas ito sa January 2023 bilang buena mano sa primetime,” pahayag ni Sofia.

Isa rin daw sa hinintay ay ang pagpayag na ipagamit sa Luv Is bilang theme song ang “Can This Be Love?” na version ni Zephanie ang ginamit.

Sa trailer at music video pa lang ay kilig na sa mga Gen Z ang kuwento ng Luv Is: Caught In His Arms. Isama pa rito ang million readers ng nobela sa WattPad. Kaya tama lang ang desisyon ng GMA na gawing New Year’s presentation ang series na ito ng Alfia loveteam.

Bukod kina Sofia at Allen, kasama rin ang SPARKADA na sina Vince Maristela, Tanya Ramos, Michael Sager, Caitlyn Stave, Raheel Bhyria, Cheska Fausto, Sean Lucas at Kirsten Gonzales. Mula ito sa direksyon ni Barry Gonzales.

***

BIG break para kina Lexi Gonzales, Elijah Alejo at Hailey Mendes ang bagong GMA Afternoon Prime series na Underage.

Sa naging dalawang buwan nilang lock-in taping last year, marami nga raw silang natutunan ba life lessons sa pagganap nila sa mga naging role nila sa teleserye.

Para sa StarStruck Season 7 First Princess Lexi Gonzales, natutunan daw niya ang halaga ng pagiging isang panganay sa pamilya tulad ng character niyang si Celine sa Underage.

“Dahil sa Underage, mas lalo kong na-realize ‘yung importance and ‘yung strength ng isang panganay. Iba ‘yung bunso, iba ‘yung gitnang anak, lalo na kapag big family talaga na marami kayong magkakapatid.

“‘Yung panganay ‘yung parang nagba-bind sa lahat ng mga kapatid, and I felt like it is really my job and it is really my part bilang Celine sa Underage. And mas nabigyan ko ng importance ‘yung pagiging panganay ko rin in real life.”

Si Elijah naman na gumaganap na Chynna, natutunan niyang huwag sarilihin ang anumang problema na meron siya.

“If you’re sad, you can message a friend, you can message your siblings, or if alam mong may matindi kang pinagdaraanan na alam mong hindi mo kakayanin mag-isa, maraming puwedeng tumulong sa’yo and mag-pray ka lang din kay God.”

Para naman kay Hailey, ang pagbigay ng respeto sa mga magulang at ang pagiging matapang ang mga natutuhan niya mula sa kanyang karakter na si Carrie.

“Sundin sila kasi mas alam nila ‘yung tama para sa’yo at ‘wag padalos-dalos sa mga desisyon kasi hindi mo alam ‘yung buong scenario kaya ‘wag ka magdesisyon kaagad. At natutuhan ko rin po maging matapang kasi si Carrie po, lagi po siyang palaban. Pero inn real life po, talagang iyakin po ako kahit masaya, malungkot. Mababaw po ang luha ko pero dahil kay Carrie po, naging strong na ang personality ko.”

Ang world premiere ng Underage ay today na, January 16 sa GMA Afternoon Prime at kasama rin sina Snooky Serna, Sunshine Cruz, Gil Cuerva, Nikki Co, Jean Saburit, Yayo Aguila, Christian Bautista, Vince Crisostomo, Maey Bautista and Smokey Manaloto.