PBBM, walang papel sa Maharlika fund bill revision
- Published on January 24, 2023
- by @peoplesbalita
WALANG papel si Pangulong Ferdinand Marcos Jr. sa revision o ginawang pagbabago sa House of Representatives-approved Maharlika Investment Fund (MIF) bill.
Isang bagong Maharlika Investment Fund kasi ang iprinisenta ni Pangulong Marcos sa potential investors sa ginanap na World Economic Forum sa Davos, Switzerland.
Ito ang ibinahagi ni House Ways and Means Committee Chair Joey Salceda sa isang panayam.
Ayon kay Salceda, siya at tatlong iba pang mambabatas ay naatasan na i-rewrite ang MIF proposal.
Isa aniya sa pagbabago mula sa House Bill 6608 na ipinasa ng Kamara ay hindi na gagamiting kapital ang dibidendo mula sa Bangko Sentral ng Pilipinas at “real surpluses” na aniya ang gagamitin tulad ng sa isang tradisyunal na sovereign wealth fund.
Masaya naman si Salceda na sa kabila ng pagtutol ng mga kritiko sa ginawang “soft launch” ng Pang. Marcos Jr. ng MIF sa WEF ay positibo ang naging pagtanggap ng mga investors sa bagong MIF.
Si Pangulong Marcos ay nasa Davos, Switzerland, noong nakaraang linggo Kung saan dumalo sa World Economic Forum (WEF).
At nang tanungin ng media kung ang revised MIF bill ay aprubado na niya, ang naging tugon ng Pangulo ay “I’m not sure. What did I approve?”
Winika pa ng Pangulo na ang panukalang batas ay “in the process of legislation.”
“Wala akong role muna,” ayon kay Pangulong Marcos.
Samantala, tinuran ng Pangulo na nakatanggap siya ng suhestiyon mula sa business leader na mangalap ng pera para sa Maharlika fund sa pamamagitan ng initial public offering (IPO).
Sinabi naman ng Pangulo na titingnan niya kung nararapat ito para sa bansa.
Ang panukalang batas para sa Maharlika Investment Fund ay inaprubahan sa ikatlo at pinal na pagbasa ng Mababang Kapulungan ng Kongreso noong Disyembre15. Ipinadala ito sa Senado noong Disyembre 19.
Sa ilalim ng panukalang batas, ” the fund shall be used to invest on a strategic and commercial basis in a manner designed to promote fiscal stability for economic development and strengthen the top-performing government financial institutions through additional investment platforms that will help attain the national government’s priority plans.”
Sinabi pa ng Pangulo na ang panukalang sovereign fund ay inaasahan na susuporta sa infrastructure projects sa enerhiya, agrikultura at digitalisasyon. (Daris Jose)
-
PBBM, walang balak palawigin ang deadline ng consolidation ng public utility vehicles (PUV)
WALANG plano si Pangulong Ferdinand R. Marcos Jr. na palawigin pa ang deadline ng consolidation ng public utility vehicles (PUV) operators matapos ang kanilang naging pulong kasama ang mga transport offiicials para sa jeepney modernization program na nakatakda sa Disyembre 31, 2023. “Today (Tuesday), we held a meeting with transport officials, and it […]
-
SC, tuluyan nang ibinasura ang Anti-Terror Act of 2020
TULUYAN nang ibinasura ng Korte Suprema ang mga petisyon na humihiling na ibasura ang Anti Terrorism Act of 2020. Sa En Banc deliberation dito sa Baguio City ng mga mahistrado ng SupremeCourt (SC), binasura ang mga inihaing motions for reconsideration ng mga petitioner. Ibinase ng SC En Banc ang desisyon sa […]
-
PBBM sinabing tuluyan ng nakabangon ang Pilipinas mula sa pandemic
IPINAGMALAKI na inulat ni Pang. Ferdinand Marcos Jr. na tuluyan ng nakabangon ang Pilipinas mula sa epekto ng Covid 19 pandemic at maging sa epekto ng Russia-Ukraine war at tensiyon sa Middle East. Ginawa ng Pangulo ang pahayag sa pagharap nito sa mga miyembro ng diplomatic corps sa isinagawang taunang “Vin D Honneur” […]