Nalungkot dahil sa USA magka-college si MIEL: SHARON, pinagpi-pray na matagpuan na ni KC ang ‘true love’

PATULOY pa rin si Asia’s Multimedia Star Alden Richards sa kanyang advocacy na tumulong sa mga nangangailangan.

Kaya naka-set na siya to appear on the cover of a new fashion bookazine (book magazine), for the benefit of visually-impaired children under the care of charities he is supporting.

Kasama rito ni Alden ang good friend and fashion line collaborator, celebrity fashion designer, si Avel Bacudio, na nag-share din ng mga exclusive photos ni Alden na kuha nila noon sa New York, para sa cover at cover feature din ng fashion book, ang “Pormang Artista: 100+ Celebrities on Fashion and Style.”  Bale second installment na ito ng best-selling bookazine “Mukhang Artista: 100+ Celebrities on Beauty and Make-Up” with Kylie Padilla naman as cover.

Naging devoted si alden na tulungan ang mga blind children, matapos niyang mag-immersion noon, kasama ang mga bulag, nang gawin niya ang GMA series niyang “The Gift,” na gumanap siyang isang bulag.

Since then, lagi niyang naiimbita ang mga blind kids na mag-guest tulad noong kanyang 2018 concert.

Ayon pa kay Alden, “one of the best voices I heard in my life, are those blind kids. They sing very well, regardless of their disability they can still deliver a great experience to other people through songs.”

***

HAPPY si Megastar Sharon Cuneta last Christmas hanggang birthday niya last January 5, dahil bumalik sa bansa ang panganay niyang si KC Concepcion from Los Angeless, California.

Nang mag-guest si Sharon sa ‘Magandang Buhay,’ inamin niya na “polar opposites” sila ni KC.

“There was a lot of things na she and her papa are very much alike, pero anak ko siya, bali-baligtarin man ang mundo isa lang ang nanay mo at siya lang panganay ko.

“I’m proud of her achievements, she’s a hard worker and I’m proud of that, iyon ang naipamana ko sa kanya, na you don’t need a man in order to survive pero I’m still praying, syempre, I want her to find true love”.

Na aayon sa social media, KC is now in a relationship with Filipino-Swiss Steve Michael.

Pero nalungkot si Sharon ngayong her youngest daughter Miel Pangilinan is graduating na in high school at will go to college na.

Gusto pala ni Miel to study rin abroad like her older sister Frankie, pero nakiusap si Sharon, “here na lang, pls, pls, pls?  Oh, well… you know Dad and Mama will give you what you want, even if it’ll hurt to be away from you.”

So, may time pa si Sharon na makipag-bonding kay Miel, bago ito pumunta ng USA this summer.

***

NANGHIHINAYANG ang mga fans nina Barbie Forteza ng “Maria Clara at Ibarra,” Jillian Ward ng “Abot-Kamay Na Pangarap, at Kate Valdez ng “Unica Hija,” dahil sunud-sunod na magtatapos ang kani-kanilang teleserye sa GMA Network.

Pumasok na si Klay (Barbie Forteza) sa mundo ng “El Filibusterismo.”  Paano kaya niya maililigtas ang mga kaibigan niyang sina Ibarra/Simoun (Dennis Trillo), Maria Clara (Julie Anne San Jose) at si Fidel (David Licauco).  Napapanood ang serye 8pm gabi-gabi.

Makikilala na ba ni Analyn (Jillian) na ang tunay niyang ama ay si Dr. RJ Tanyag (Richard Yap)? Paano na ang relasyon ng ina niyang si Lyneth (Carmina Villarroel) at Michael (Dominic Ochoa)?  Ano ang gagawin ni Moira (Pinky Amador) kapag nalaman niyang totoo ang hinala niya tungkol kina Lyneth at Dr. RJ?  Napapanood ang serye Mondays to Saturdays, 2:30pm.

Labis naman ang paghihirap ni Kate Valdez sa dual role niya as Bianca and her clone na si Hope.  Nakilala na ni Hope ang tunay na inang si Diane (Katrina Halili), hindi siya matanggap nito, at nakulong pa siya sa nasusunog na laboratory, mabuti at nailigtas siya ni Ralph (Kelvin Miranda).  Matanggap na kaya siya ni Diane na tunay niyang anak?

“Unica Hija” daily at 3:25pm.

(NORA V. CALDERON)