• February 28, 2024
  • Ang Diyaryong Pinagkakatiwalaan

LTFRB: Binigyan ng 27 buwan upang palitan ang lumang PUJ units

MATAPOS ang consolidation ng mga individual na operators upang maging kooperatiba o korporasyon, ang kasunod naman nito ay ang pagpapalit ng mga lumang public utility jeepneys (PUJs) upang maging modernized units.

 

 

“We have set a schedule so the replacement of units is not immediate, so within that time, old units can still be utilized as long as deemed road-worthy. However, transport cooperatives were required to replace old units with modernized ones in 27 months or two years and three months after the consolidation deadline,” wika ni Land Transportation Franchising and Regulatory Board (LTFRB) board member Riza Marie Paches.

 

 

Inaasahan ng LTFRB na matapos ang binigay na takdang panahon na 27 buwan ang mga traditional jeepneys ay napalitan na ng mga modernized units.

 

 

Taong 2017 nang simulant ang Public Utility Vehicle Modernization Program (PUVMP) ng pamahalaan na naglalayon na mapalitan ang mga traditional jeepneys ng kahit man lamang Euro 4-compliant engines upang mabawasan ang polusyon at upang mapalitan ang mga units na hindi na roadworthy ayon sa standards na binigay ng Land Transportation Office (LTO).

 

 

Sa ilalim ng programa sa consolidation, ang mga individual PUV na prangkisa ay gagawing isang kooperatiba kung saan ang pamahalaan ay naglalayon din na mabawasan ang burden sa pagbili ng modernized units ng mga operators papuntang kooperatiba dahil sa mataas na presyo ng isang unit ng modernized unit ay nagkakahalaga ng P2 milyon.

 

 

Ang pamahalaan ay magbibigay lamang ng P280,000 na subsidy bawat unit ng modernized unit sa Class 2, 3 o 4 at P210,000 naman sa Class 1.

 

 

Nilinaw naman ng LTFRB na ang pamahalaan ay hindi puwedeng mag dictate sa mga kooperatiba o korporasyon kung anong klaseng modelo ng modernized jeepneys ang kanilang kukunin at bibilihin sa ilalim ng PUVMP.

 

 

Ayon naman sa Office of Transportation Cooperatives (OTC) na ang mga drivers at operators ng mga unconsolidated PUV units na hindi agad sila mawawalan ng kabuhayan dahil sila ay maaaring kunin ng itatayong kooperatiba o korporasyon at ng mga consolidated na PUV utilities.

 

 

Samantala, ayon pa rin sa LTFRB, ang mga consolidated units ay bibigyan ng mga stickers sa darating na February upang makita ang kaibahan sa mga PUJs na hindi sumali sa consolidation kung kaya’t hindi na pinapayagan na magkaron ng operasyon sa kanilang ruta.

 

 

Ang LTO at Metropolitan Manila Development Authority (MMDA) ang kanilang magiging partners upang gumawa ng random checks sa mga lansangan.

 

 

“We will have a random check of PUJs. We will look into their registration papers and we will issue stickers on PUJ with consolidation to differentiate with those without consolidation,” saad ni LTFRB chairman Teofilo Guadiz.

 

 

Pinayuhan naman ang lahat ng mga drivers at operators na laging dalahin nila ang registration at kopya ng kanilang aplikasyon sa consolidation upang ipakita sa mga mga enforcers na gagawa ng random checks.

 

 

Ayon sa LTFRB, may 300 na PUJs na may registro ang hindi sumali sa consolidation sa buong Metro Manila.  LASACMAR

Other News
  • “DUNGEONS & DRAGONS” TO WORLD PREMIERE AS OPENING FILM OF 2023 SXSW FESTIVAL

    PARAMOUNT Pictures’ new epic adventure Dungeons & Dragons: Honor Among Thieves, directed by Jonathan Goldstein and John Francis Daley, will hold its World Premiere as the official Opening Night film at the 2023 SXSW (South By South West) Film & TV Festival happening in Austin, Texas from March 10-19.     [Watch the film’s trailer at https://youtu.be/vKpDpZ5Di3Q]   […]

  • DAYO BINOGA SA BASECO, PATAY

    PATAY ang isang lalaki na dumayo lamang sa lugar nang pagbabarilin ng di nakilalang suspek sa Baseco compound, Tondo, Manila   Kinilala ang biktima na si  Franjill Francia, nasa wastong edad ng Block 3 Lot 60 Mustard Street, Camella Homes, Bacoor, Cavite,base sa nakuhang lisensiya sa kanyang pitaka.   Sa ulat ng Manila Police District […]

  • LTFRB, LTO gagamit ng online, cashless transactions sa panahon ng “new normal”

    Ang Land Transportation Franchising and Regulatory Board (LTFRB) at Land Transportation Office (LTO) na nasa ilalim ng Department of Transportation (DOTr) ay nagsusulong ng technological innovations na makakatulong upang magkaroon ng limitadong human intervention at physical contact sa mga transactions sa loob ng mga nasabing ahensya ng pamahalaan.   Simula sa Martes, ang LTFRB ay […]