LTFRB: Walang consolidation, walang prangkisa ang jeepneys, UV Express
- Published on February 24, 2023
- by @peoplesbalita
ISANG memorandum ang nilabas ng Land Transportation Franchising and Regulatory Board (LTFRB) na naglalaman kung saan ang mga operators ng traditional jeepneys, UV Express at multicabs ay hindi na papayagan ng mag operate kung hindi sila lalahok sa isang kooperatiba o magtatayo ng korporasyon.
Binigyang hanggang June 30 ang mga operators na sumunod sa nasabing memorandum. Pinahaba ng LTFRB ang deadline na dapat sana ay sa March 31.
Nilabas ng LTFRB ang nasabing memorandum kahit na may matinding oposisyon ang mga samahan ng mga transportasyon na kanilang tinututulan ang phase-out ng mga traditional jeepneys.
Susog sa programa ng pamahalaan sa Public Utility Vehicle Modernization (PUVMP), ayon na rin sa LTFRB, ang mga operators na mabigong sumunod sa consolidation requirement ay pawawalang bisa ang kanilang prangkisa o ang tinatawag na certificates of public convenience (CPC).
“The CPC of the operators who fail to join the existing consolidation entity after June 30 will be reverted to the state. The franchises of PUV operators who fail to join a cooperative or corporation will be automatically rewarded to the existing consolidated entity operating on the same route,” ayon sa LTFRB.
Subalit kung makakasunod sila sa tinakdang deadline sa June 30, bibigyan ang mga operators ng provisional authority hanggang Dec. 31.
Tinututulan ng mga transport workers ang programa kung saan ayon sa kanila ay anti-poor at maaaring magsulong ng monopoliya sapagkat kailangan silang sumunod na magkaron ng multimillion-peso na modern jeepneys at route consolidation.
Maaari naman na ang mga maaapektuhang operators ay mag apela sa social intervention initiatives ng pamahalaan.
“There will be mediation procedures in case of rejection in an existing consolidated entity, be it a cooperative or a corporation,” saad ng LTFRB.
Ayon sa LTFRB matagal ng naantala ang pagpapatupad ng programa upang matulungan ang mga transport operators na naapektuhan ng pandemya at ng pagtaas ng presyo ng krudo at gasolina. LASACMAR
-
Peso naitala ang bagong all-time low vs US dollar – BSP
NASA ikatlong araw na trading day na sunud-sunod na sumadsad sa pinakamababang halaga ang piso laban sa dolyar. Sinasabing nalugi sa 22.9 centavos ang piso mula noong Biyernes laban sa dolyar. Ang paghina lalo ng piso ay kasunod umano ng mga pahayag ng mga opisyal ng Federal Reserve sa Amerika na […]
-
Kelot isinelda sa pananaksak sa kapitbahay sa Valenzuela
REHAS na bakal ang kinasadlakan ng 29-anyos matapos pagsasaksakin ang kanyang kapitbahay makaraan ang kanilang mainitang pagtatalo sa Valenzuela City. Ayon kay Valenzuela police chief Col. Salvador Destura Jr, nahaharap sa kasong frustrated homicide ang suspek na kinilala bilang si Marc Ale Canuto, 29 ng Dela Cruz, Dulong Tangke, Brgy. Malinta. […]
-
Passing mark ng US Homeland Security, nasungkit ng NAIA
NABIGYAN ng passing mark ang Ninoy Aquino International Airport (NAIA) ng United States Department Homeland Security (DHS) matapos ang mga nakaraang pagbagsak sa mga security deficiencies ng premier airport ng bansa. Sa isang pahayag ng Department of Transportation (DOTr), sinabi nitong ang mga dumating na inspectors mula sa Transportation Security Administration (TSA), isang ahensiya […]