Sa pagbabalik ng ‘Kusina ni Mamang’ sa BuKo Channel POKWANG, excited na sa mga special guests na magbabahagi ng kani-kanilang istilo sa pagluluto
- Published on March 3, 2023
- by @peoplesbalita
HUMANDA sa pagluluto ng isang bonggang handaan dahil ang ‘Kusina ni Mamang’, ang sikat na cooking show ng BuKo Channel, ay nagpapasaya na naman ngayong Tag-araw. Magiging kakaiba ang taon na ito, na nangangako na dadalhin ang mga manonood sa isang culinary journey na may mga featured dish na inspired ng tunay na lutuing Pinoy.
Sa pagdaragdag ng mga host na sina “Mamang” Pokwang at DJ Jhai Ho ng komedya at sahog ng entertainment sa kakaibang format ng show, ang pinakahihintay na pagbabalik ng ‘Kusina ni Mamang’ ay unang mapapanood ngayong Sabado, Marso 4, ika-walo ng gabi sa BuKo Channel, sa pamamagitan ng Ang Pay TV sa Cignal at SatLite, Ch 2 ay available din sa Cignal Play sa pamamagitan ng Live TV at Video-On-Demand. Catch-up airing sa TV5 sa Marso 5, Linggo ng 8am.
Sundan ang fascinating na tambalan nina Mamang Pokwang at DJ Jhai Ho habang nilalalakbay nila ang mayamang kultura ng bansa at tuklasin ang tradisyonal ngunit kahanga-hangang paraan ng pagluluto ng mga Pinoy.
“Natutuwa kami sa pagbabalik ng ‘Kusina ni Mamang’ dahil napakarami pa naming mas masasarap pa na lulutuin. At sIyempre, excited din kami sa mga special guests na makakasama naming magluto.
“Kakaiba din ang bagong segment namin na sasagutin namin ang requests ng mga letter senders, kaya talagang kaabang-abang ang mga bonggang ihahain namin para sa mga manonood,” pagbabahagi ni Pokwang.
Saksihan kung paano nilagyan ng modernong twist sina Mamang Pokwang at DJ Jhai Ho sa tulong ng mga espesyal na bisita, kabilang sina Dimples Romana, Alex Calleja & Israel Buenaobra, Ara Mina, Baby Baste at Mommy She, Clang Garcia. , Adrian Alandy & Joselle, Arci Munoz, Kitty & Kakai Almeda, JM De Guzman, Joem Bascon & Meryll Soriano, Karen Davila, Ariel Rivera & Gelli De Belen at Eugene Domingo na ibabahagi rin ang kani-kanilang istilo sa pagluluto.
Isa pang tampok ng bagong season ay ang segment ng letter sender kung saan muling isinagawa ni Mamang at ng mga bisita ang mga culinary stories na ipinadala ng mga tagahanga ng palabas.
Panoorin ang pagbabalik ni ‘Kusina ni Mamang’ sa BuKo Channel ngayong Marso 4, 8:00 PM, na ipapalabas sa Cignal at SatLite, Ch 2 at sa Cignal Play app sa pamamagitan ng Live TV at Video-On-Demand, na may premiere sa TV5 sa Marso 5, Linggo , 8am. Para sa karagdagang impormasyon, i-follow ang Buko Channel sa Facebook at Instagram.
(ROHN ROMULO)
-
Digital version ng National ID tatanggapin sa passport application – DFA
TATANGGAPIN na ng Department of Foreign Affairs (DFA) ang printed digital version ng PhilSys ID o mas kilala sa tawag na national ID, bilang valid identification card para sa mga aplikante ng pasaporte. Sa isang pahayag noong Biyernes, sinabi ng DFA na kikilalanin ng Office of Consular Affairs simula Oktubre 21, ang digitized […]
-
Pinoy jins hahataw sa Vietnam
NAKATAKDANG umalis ngayong araw ang Smart/MVP Sports Foundation taekwondo squad upang magpartisipa sa 2022 ATF (Asean Taekwondo Federation) Taekwondo Championships na hahataw mula Marso 30 hanggang Abril 4 sa Ho Chi Minh City, Vietnam. Binubuo ang koponan ng 10 atleta sa kyorugi (free sparring) at lima sa poomsae. Magsisilbing delegation head […]
-
DOTr: Paggamit ng automated fare collection system sa lahat ng transport systems pinagaaralan
PINAG-AARALAN ng Department of Transportation (DOTr) ang paggamit ng automated fare collection system (AFCS) sa lahat ng pampublikong transportasyon. Tinatayang gagastos ang pamahalaan ng P4.5 billion para sa proyektong nasabi kung saan ang mga pasahero sa mga buses, jeepneys at lahat ng rail lines kasama na rin ang air services ay maaaring […]