Panukalang pigilan ang paglobo ng teenage pregnancies, pinuri ng Popcom
- Published on March 18, 2023
- by @peoplesbalita
PINURI ng Commission on Population and Development (PopCom) ang sponsorship speech ni Senator Risa Hontiveros sa pagpigil sa pagbubuntis ng mga kabataan.
Ayon sa komisyon, lubos nilang sinusuportahan ang panawagan ng mga mambabatas na ipatupad ang mga iminungkahing hakbang ukol sa teenage pregnancies.
Ito’y tinawag ni Hontiveros bilang isang progresibong hakbang sa pagharap sa isang national social emergency.
Si Sen. Hontiveros ang nag-sponsor ng Senate Bill (SB) No. 1979 o ang Prevention of Adolescent Pregnancies Bill, kung saan umapela siya sa mga ahensya ng gobyerno na magpatupad ng mga paraan upang matugunan ang isyu.
Kung maipapasa ang batas, ang Senate Bill 1979 ay higit na magpapalakas sa pagpapatupad ng Reproductive Health Law, bukod sa iba pang kaugnay na mga batas, at magpapatibay sa Executive Order 141, na nag-uutos ng isang whole-of-government na diskarte sa pagbibigay-priyoridad sa mga hakbang upang tumugon sa mga sanhi ng teenage pregnancy.
Higit pa rito, papahusayin din ng panukala ang Social Protection Program for Adolescent Mothers and their Children, na magkatuwang na ipinatupad ng Commission on Population and Development o Popcom at ng Department of Social Welfare and Development.
-
Inaabangang movie version ng pumatok na BL series nina Kokoy at Elijah, malapit nang mapanood
FOR sure nag-trending ang ‘World Gameboys Day’ noong Sabado kung saan ipinagdiwang ng mga fans ng Gameboys ang unang anniversary ng first Pinoy BL series na pumatok sa mga tao. Siyempre kasamang nag-celebrate ng mga fans all over the world ang cast ng Gameboys namely Kokoy de Santos, Elijah Canlas, Adriana So, Kyle […]
-
Ravena paramdam na tuloy sa B.League
UNANG bumulaga ang pasabog ng Shiga Lakestars napapirma na si Philippine Basketball Association star Kiefer Isaac Ravena ng NLEX bilang Asian Quota player o import sa 6th Japan B.League 2021-22 nitong Miyerkoles ng hapon. Ilang oras ang nakalipas, nilabas ng statement ang North Luzon Expressway na naggigiit na kailangang sumunod sa UPC o […]
-
DOTr: Humihingi ng P164 B pondo para sa proyekto sa railways
Humihingi ang Department of Transportation (DOTr) sa Mababang Kapulungan ng pamahalaan ng pondong nagkakahalaga ng P164 billion para sa construction at maintenance ng pitong (7) rail lines sa Metro Manila sa taong 2024. Nakalagay sa 2024 National Expenditure Program ng pamahalaan, ang DOTr ay humihing sa Mababang Kapulungan ng kabuohang budget na […]