First movie ng BarDa, hitik sa ‘kilig moments’: DAVID, happy na kasama muli si BARBIE at ‘di na mami-miss

HITIK daw sa kilig moments ang pelikula nina Barbie Forteza at David Licauco na ‘That Kind Of Love’.

Kasunod ng success ng kanilang FiLay loveteam sa hit historical portal fantasy series na ‘Maria Clara at Ibarra’, inaabangan na ng BarDa (Barbie and David ) fans ang unang pelikula nilang dalawa.

Ayon sa dalawang Sparkle stars, a very different Barbie and David daw ang mapapanood sa ‘That Kind Of Love’. Kaya asahan daw ng BarDa fans ang pag-level up ng kanilang unang screen tandem nila.

Sey ni Barbie, “it’s a rom-com, pero ibang David and Barbie ‘yung makikita niyo. Totally different from our previous projects tulad noong ‘Heartful Cafe’, ‘yung ‘Mano Po’, and definitely, different from Fidel and Klay. I think the goal of this film is really to make the audience feel in love. Promise ramdam ang love sa movie namin.”

Bukod sa ito ang first movie nila together, ipapalabas din ang ‘That Kind Of Love’ sa ibang bansa na ikinatuwa ng mga BarDa fans, lalo ‘yung mga OFWs na sumubaybay sa FiLay loveteam nila.

Sey ni David, “I’m just really happy that we get to do this film and makita siya globally. It’s time for the Philippines to actually make a movie and be shown all over the world, For me to be part of this, na it’s gonna be shown globally, I’m very, very excited.”

Bukod sa Pilipinas, kukunan din ang ilang eksena ng pelikula sa ibang bansa, ngunit hindi muna sinasabi nina Barbie at David kung saan sila magsu-shoot abroad.

“Paborito ko ‘yung pagkain dun e, so I really am looking forward to it,” ngiti pa ni Barbie.

Hindi naman napigilan si David na sabihin na na-miss niyang kasama si Barbie. Huli silang napanood together ay sa ‘Daig Kayo Ng Lola Ko’ bago sila nagkanya-kanyang bakasyon noong nakaraang Holy Week.

“Of course I missed her. Kasi medyo madalas kami magsama before. This time I’m with her again and I think the following days we’re gonna be together so ‘di ko na siya mami-miss,” pakilig na pahayag ni David.

***

DARATING sa bansa ang may-ari ng Miss Universe na si Anne Jakrajutatip dahil magiging bahagi siya ng Miss Universe Philippines 2023 pageant na magaganap on May 13.

Sa kanyang pinost sa Instagram, excited itong si Anne na bumisita sa Pilipinas dahil gusto na niyang makita ang mga isusuot niya na gawa ng mga Filipino designers.

Dadalhin daw niya ang kanyang Louis Vuitton mini trunk para doon niya ilalagay ang mga Philippine-made outfits.

Caption pa niya, “Finally, I made up my mind to bring just this mini trunk with me to the Philippines without having any luggage! There are lots of well-known designers up there offering me the outfits, formal dresses, and evening gowns to wear. I trust them.”

Nagbiro pa si Anne na kung wala raw siyang mapili na masuot, baka mag-bikini na lang siya sa entablado at i-deliver ang kanyang signature na “Hello, Universe!”

Na-acquire ni Anne ang ownership rights ng Miss Universe noong October 2022. Kasabay niyang darating sa Pilipinas ang reigning Miss Universe na si R’Bonney Gabriel na uupo bilang isa sa panel of judges ng Miss Universe PH.

***

NABIGYAN ng temporary order of protection ang ex-girlfriend ng Marvel film actor na si Jonathan Majors.

Inaresto si Majors noong nakaraang buwan dahil sa kasong sinampa ng ex-gf nito na domestic violence.

Ayon sa Manhattan District Attorney’s Office: “Today a judge granted a Full Temporary Order of Protection for the victim, per the People’s request and with the consent of defense counsel. (At the time of arraignment, a Limited Temporary Order of Protection was granted.).”

Sinagot naman ito ng lawyer ni Majors na si Priya Chaudhry: “This is standard in cases such as this, and we consented because Mr. Majors wants nothing to do with the woman who assaulted him.”

Haharap sa korte si Majors sa May 8. May witness diumano ang aktor na hindi niya sinaktan ang kanyang ex-gf. Yung babae raw mismo ang naging bayolente sa aktor.

Pero nag-file ng medical report ang ex-gf ni Majors at nagtamo ito ng broken finger dahil dinepensahan nito ang sarili sa mga tama ng aktor sa kanya.

Naniniwala pa rin ang kampo ni Majors na hindi totoo ang injury nito at gusto lang nitong siraan ang aktor na sumisikat na dahil sa mga proyekto nito sa Marvel Cinematic Universe or MCU. Si Majors daw kasi ang nagtapos ng kanilang relasyon.

(RUEL J. MENDOZA)