4 tulak tiklo sa Navotas, Valenzuela buy bust
- Published on May 20, 2023
- by @peoplesbalita
APAT na hinihinalang tulak ng illegal na droga, kabilang ang isang bebot ang arestado sa magkahiwalay na buy bust operation ng pulisya sa Navotas at Valenzuela Cities, kahapon ng madaling araw.
Sa kanyang kay Northern Police District (NPD) Director P/BGen Ponce Rogelio Peñones Jr, sinabi ni Navotas police chief P/Col. Allan Umipig na nakatanggap ang mga operatiba Station Drug Enforcement Unit (SDEU) ng impormasyon mula sa isang Regular Confidential Informant (RCI) na nagbebenta umano ng shabu sina Allan Tremocha alyas “Allan Pakyu”, 50 at Edwina Moratalla, 46, kapwa ng Market 3, NFPC, Brgy. NBBN kaya isinailalim nila ang mga ito sa validation.
Nang positibo ang ulat, ikinasa ng mga operatiba sa pangunguna ni P/Cpt Luis Rufo Jr ang buy bust operation sa Kaduli St., Brgy. NBBS Dagat-dagatan na nagresulta sa pagkakaaresto sa mga suspek dakong ala-1:19 ng madaling araw matapos bintahan ng P500 halaga ng shabu ang isang pulis na nagpanggap na buyer.
Nakuha sa mga suspek ang humigi’t kumulang 6.54 grams ng hinihinalang shabu na may corresponding standard drug price na P44,472.00, buy bust money at coin purse.
Sa Valenzuela, natimbog naman ng mga operatiba ng SDEU team ng Valenzuela police sa pangunguna ni P/Cpt Joel Madregalejo sa buy bust operation sa No. 441 Bagong Nayon, Brgy., Bagbaguin dakong alas-5:45 ng madaling araw sina Rey Clarin, 52, pintor at Alex Devaras, 44, factory worker.
Ani Valenzuela police chief P/Col. Salvador Destura Jr, nakuha sa mga suspek ang apat heat sealed transparent plastic sachets na naglalaman nasa P32,000.00 halaga ng hinihinalang shabu, P300 marked money, P200 recovered money at coin purse.
Pinuri naman ni P/MGen Edgar Alan Okubo, RD, NCRPO ang Navotas at Valenzuela police sa kanilang hindi natitinag na dedikasyon, maagap na mga estratehiya, at malakas na pakikipagtulungan sa komunidad para labanan ang iligal na droga at mapanatili ang kapayapaan at kaayusan sa loob ng komunidad. (Richard Mesa)
-
Para-athletes ng bansa handa sa pagsabak sa Tokyo Paralympics
Wala pa ring papayagang manood ng Tokyo Paralympic games. Magsisimula kasi ito ngayong araw hanggang Setyembre 5. Tiwala si Philippine chef de mission Francis Diaz na mamamayagpag muli ang mga pambato ng bansa. Mula kasi sa dating anim na kalahok ng bansa ay naging lima na lamang dahil sa […]
-
Panukala na gawing mail at postal voting ang sistema ng halalan sa 2022, posible -Malakanyang
POSIBLENG idaan sa mail voting at postal voting lalo na sa mga senior citizens at persons with disabilities o PWD’s ang gagawing botohan para sa darating na 2022 national elections. Sinabi ni presidential spokesper- son Harry Roque, baka kailanganin ng bansa na magpatupad ng ganitong pamamaraan ng halalan kung saan ginagawa na rin aniya […]
-
Coach ni EJ Obiena sinisi ang PATAFA dahil sa nangyaring sigalot
Nilinaw ng coach ni Filipino pole vaulter EJ Obiena na si Vitaly Petrov na hindi siya ang lumapit sa Philippine Athletic Tracks and Field Association (PATAFA) tungkol sa kaniyang bayad. Sinabi nito na ang PATAFA mismo ang lumapit sa kaniya at para sa bayad at hindi kailanman ito ay nagreklamo. Ibinunyag […]