CHED, gustong i-digitalized ang scholarships, ibang serbisyo
- Published on June 8, 2023
- by @peoplesbalita
![](https://peoplesbalita.com/wp-content/uploads/2023/06/Commission_on_Higher_Education_CHEd-300x200.jpg)
Waving colorful national Philippine flag
PALALAWAKIN ng Commission on Higher Education (CHED) ang digitalization efforts ng administrasyon para ma-cover ang mas marami pang serbisyo kabilang na ang scholarship.
Ang pahayag na ito ni CHED chairperson Prospero de Vera III ay matapos tintahan ng CHED at Department of Information and Communications Technology (DICT) ang memorandum of understanding (MOU) para sa e-governance para pagsamahin ang information and communication technologies (ICT) sa higher education sector.
Layon ng memorandum na i-promote ang “relevant and quality” higher education sa pamamagitan ng integrasyon ng ICT sa sektor ng edukasyon.
“Ang balak ng CHED ay makipagtulungan sa DICT para iyong mga kailangang dokumento ng mga estudyante at iyong mga serbisyo na ibinibigay natin sa mga estudyante ay puwede nang kunin online,” ayon kay De Vera.
Sa ilalim ng scholarship digitalization plan, tinitingnan ng CHED na makapag-secure ng ilang “landing page” kung saan ang mga estudyante ay madaling magkaka-access sa application information.
“Nandoon lahat ng scholarship ng CHED para mabasa nila iyong impormasyon, ano iyong requirements, ano iyong mga deadline tapos unti-unti gagawin natin iyong application ay online,” aniya pa rin.
Maliban sa scholarship services, idi- digitalize ng CHED ang proseso ng sertipikasyon at pagkuha ng kinakailangang mga records ng bagong graduates para sa pagtatrabaho.
“Kaya’t doon sa mga handa ng mga pamantasan na sumama sa platform gagawa tayo ng signing ceremony din with DICT para sila ay sumama na sa platform at puwede nang aplayan iyong mga transcript at diploma doon,” ayon pa rin kay De Vera.
Samantala, nakiisa naman ang CHED sa opisyal na paglulunsad ng electronic governance Philippines (eGov PH) Super App ng gobyerno noong Hunyo 2. (Daris Jose)
-
Magno ‘nag-eespiya’ na rin
BUKOD sa kaabalahan sa pag-eensayo ni Irish Magno, ‘iniispayan’ din niya ang mga posibleng makasapakan sa 32nd Summer Olympic Games 2020 sa Tokyo, Japan na tuloy na sa Hulyo 23-Agosto 8 tapos maurong dahil sa COVID-19. Kasagsagang nag-o- Olympic training bubble sa Inspire Sports Academy sa Calamba, Laguna ang boksingera, 29, 5-2 at […]
-
Mikey Garcia, tiwalang uunahin muna siya ni Pacquiao na labanan bago kay McGregor
NANINIWALA si four-division champion Mikey Garcia na uunahin siya munang kalabanin ni Manny Pacquiao bago kay UFC star Conor McGregor. Isa kasi ang American boxer na tinukoy ni coach Freddie Roach na potensiyal na makakalaban ng fighting senator. Ayon kay Garcia na 100 porsiyento itong naniniwala na makakaharap siya ni Pacquiao bago ang […]
-
Vaccine simulation: ‘So far, so good’ – DOH
Kumpiyansa ang Department of Health (DOH) sa kinalabasan ng simulation exercise ng COVID-19 vaccines noong February 9 mula sa paliparan patungong cold storage facility at vaccination sites. “Generally it went well. So far, so good sabi nga ni Sec. (Francisco) Duque,” ani Health Usec. Maria Rosario Vergeire. Batay sa assessment ng […]