HVI na tulak laglag sa P540K shabu sa Caloocan buy bust
- Published on July 13, 2023
- by @peoplesbalita
MAHIGIT P.5 milyong halaga ng shabu ang nasamsam sa isang tulak ng illegal na droga na itinuturing bilang High Value Individual (HVI) matapos maaresto sa ikinasang buy bust operation ng pulisya sa Caloocan City.
Kinilala ni Caloocan police chief P/Col. Ruben Lacuesta ang naarestong suspek na si Michael Magdaong, 49, wood seller at residinte ng Phase 4, Lot 1, Bagong Silang, Barangay 176, Caloocan City.
Sa kanyang ulat kay Northern Police District (NPD) Director P/BGen. Ponce Rogelio Peñones Jr, sinabi ni Col. Lacuesta na nakatanggap ang mga operatiba ng Station Drug Enforcement Unit (SDEU) ng Caloocan police ng impormasyon mula sa isang Regular Confidential Informant (RCI) na nagbebenta umano ng shabu ang suspek kaya isinailalim nila ito sa validation.
Nang positibo ang ulat, agad nagsagawa ang mga operatiba ng SDEU sa ilalim ng pangangasiwa ni P/Cpt. Ronald Allan Soriano, kasama ang 3rd MFC, RMFB at mga tauhan ng Caloocan Police Sub-Station 11 ng joint buy bust operation kung saan isang pulis na nagpanggap na buyer ang nagawang makipagtransaksyon sa suspek ng P6,500 halaga ng shabu.
Nang tanggapin ng suspek ang markadong salapi mula sa pulis poseur-buyer kapalit ng isang medium plastic sachet ng shabu ay agad siyang dinamba ng mga operatiba sa Robes 1, Brgy. 175, dakong alas-3:30 ng madaling araw.
Ayon kay Cpt. Soriano, nakumpiska sa suspek ang humigi’t kumulang 80 grams ng hinihinalang shabu na may standard drug price value na P544,000.00, buy bust money na isang tunay na P500 bill, kasama ang anim pirasong P1,000 boodle money at pouch bag.
Mahaharap ang suspek sa kasong paglabag sa RA 9165 o ang Comprehensive Dangerous Drug Act of 2002.
Pinuri naman ni BGen. Peñones ang Caloocan police sa sa pamumuno ni Col. Lacuesta sa kanilang pagsisikap para labanan ang ilegal na droga at mahuli ang mga taong sangkot sa pagpapakalat nito na nagresulta ng matagumpay nilang operation. (Richard Mesa)
-
Willing na makatrabaho uli si Nora: VILMA, nakatanggap ng nominasyon bilang ‘National Artist’
NAKATANGGAP ng nominasyon si Star for All Seasons Vilma Santos-Recto para maging bahagi ng next batch ng mga tatanggap ng National Artist. Kinumpirma ng Cultural Center of the Philippines na kabilang si Vilma sa mga nominado ng National Artist, ang buong listahan nito ay magiging available sa katapusan ng Hunyo. Deadline […]
-
Power struggle sa Kongreso, posibleng magtagal pa kung hindi pa nagbabala si Pangulong Duterte sa mga nagbabangayang personalidad – Malakanyang
KUMBINSIDO ang Malakanyang na mas humaba pa sana ang tensiyon ng awayan sa kapangyarihan sa Mababang Kapulungan ng Kongreso kung hindi pa nagsalita kamakailan si Pangulong Rodrigo Roa Duterte. Ayon kay Presidential spokesperson Harry Roque, maaaring magtagal pa ang agawan sa puwesto kung hindi nagbigay ng mensahe ang Presidente sa mga sangkot na personalidad. […]
-
P4 BILYON NA DROGA, SINUNOG SA CAVITE
TINATAYANG mahigit sa P4 bilyon halaga ng hinihinalang droga ang sinunog sa Integrated Waste Management Inc. (IWMI) sa Brgy Aguado, Trece Martires City Huwebes ng umaga . Ang naturang mga droga ay kabilang sa mga iba’t-ibang drug evidence na nakumpiska mula sa mga drug operations na isinagawa ng Philippine Drug Enforcement Agency (PDEA) […]