DA at DoJ, sanib-puwersa sa paglikha ng “green jobs” para sa PDL
- Published on July 15, 2023
- by @peoplesbalita
SANIB-PUWERSA ang Department of Agriculture at Department of Justice sa paglikha ng ” sustainable green jobs” para sa mga persons deprived of liberty (PDL) o mga preso.
Nauna nang sinaksihan ni Pangulong Ferdinand Marcos Jr. ang paglagda sa isang kasunduan sa pagitan ng mga ahensiya para sa Reformation Initiative for Sustainable Environment for Food Security (RISE) Project na naglalayong gamitin ang mga nakatiwangwang na lupain ng Bureau of Correction para sa agricultural development para tulungan ang nilalayon ng pamahalaan na makamit ang food security.
Sa pamamagitan ng proyekto, mauugnay ang mga PDL sa farm work para ireporma at ihanda ang mga ito na maisama sa lipunan.
Sa naging talumpati ng Pangulo sa ceremonial signing ng kasunduan, sinabi ng Pangulo na ang inisyatiba ay patotoo sa “unyielding commitment to both food security and rehabilitative justice” ng pamahalaan.
“By investing in these capacity-building activities, we are not only helping boost food production but also giving our PDLs opportunities to realize their potential for positive change and reformation,” ayon pa sa Punong Ehekutibo.
“The challenges in food security today are multifaceted and complex, thus it is crucial for us that we work together and tap into our respective specialties, expertise, and strengths so we can formulate more comprehensive, empirical, and integrated approaches,” dagdag na wika ng Pangulo.
Ani Pangulong Marcos, ang makamit ang nilalayon ay makapag-aambag sa “much greater humanitarian causes” gaya ng rehabilitasyon at reintegration ng mga PDL tiyakin ang “hunger prevention, poverty alleviation, at mas maayos na kalusugan.
“So I urge our national government agencies to continue pursuing innovative projects that address the needs that evolve now in this modern age for Filipinos. By making innovation our priority, we can expedite the delivery of programs and services and build a more robust economy,” aniya pa rin.
Sa ilalim ng programa, ang mga PDL ay bibigyan ng “tailored support services” na dinisenyo para itatag at paghusayin ang food production at agricultural skills, at maging ang “managerial at operational capacity.”
Sa simula, 500 ektarya ng Iwahig Prison ng BuCor at Penal Farm sa Palawan ang ide-develop para maging agri-tourism sites at food production areas sa pamamagitan ng RISE project.
Matapos ang pilot implementation sa Iwahig, ilulunsad din ang iba pang operating facilities ng BuCor. (Daris Jose)
-
2 MIYEMBRO NG COAST GUARD, KAKASUHAN SA PAGGAMIT NG DROGA
SASAMPAHAN ng kasong administratibo ang dalawang miyembro ng Philippine Coast Guard (PCG) atapos mahuling gumagamit ng iligal an droga sa Zamboanga City nitong May 15. Tuligsa ni Commandant, Admiral George V Ursabia Jr anghindi magandang Gawain ng mga public servants ng mga organisasyon lalo na kapag drug-related offenses. “I have been repeatedly urging our […]
-
PBBM, oks sa paglikha ng single operating system para sa lahat ng gov’t transactions
APRUBADO ni Pangulong Ferdinand R. Marcos Jr. ang paglikha ng single operating system para sa lahat ng transaksyon sa gobyerno upang matiyak ang mabilis na pagnenegosyo sa bansa. Sa isinagawang sectoral meeting on improving bureaucratic efficiency, sinabi ni Pangulong Marcos na dapat na ikonsidera ng iba’t ibang ahensiya na nagta-trabaho sa code o […]
-
Pacers, patuloy ang paghahanap ng bagong coach
Patuloy pa rin ang paghahanap ng Indiana Pacers ng head coach. Ito ay matapos ang isang linggong pagsibak kay Nate McMillan bilang head coach ng koponan matapos ang pagkabigo nila sa NBA playoffs. Sinabi ni Pacers team president Kevin Pritchard, na ang katangian ng coach na kanilang hinahanap ay yung kayang dalhin ang […]