20 PORSYENTONG DISKWENTO SA AMILYAR, IPATUTUPAD NG QUEZON CITY
- Published on August 3, 2023
- by @peoplesbalita
IPATUTUPAD ng lokal na pamahalaan ng Quezon City ang 20% updated discounts para sa nga magbabayad ng kanilang amilyar o Real Property Tax simula sa isang taon para sa mga magbabayad ng RPT ng buo bago o sa December 31.
Ito ay inanunsyo ni Mayor Joy Belmonte matapos lagdaan ang Ordinance Number SP-3179, S-2023 na nag-aamyenda sa Section 12, Article 7 ng Quezon City Revenue Code.
Mayroon ding 10% discount para sa mga magbabayad ng kanilang amilyar para sa taong kasalukuyan sa darating na Marso 31, 2024.
Ayon kay Belmonte, kailangang makakolekta ng buwis upang mapagsilbihan pa ang mga mamamayan ng lungsod na nagbabayad ng kanilang buwis sa tamang oras. Inihayag din ng alkalde na ang Quezon City ang may pinakamababang RPT sa buong kamaynilaan.
Tiniyak din ni Belmonte na ang buwis ng mamamayan ay napupunta sa tama at ito ay napatunayan na ng tatlong magkakasunod-sunod na unqualified opinion na iginawad ng Commission on Audit. Ang nasabing award ay ang pinakamataas na parangal na ibinibigay ng COA sa mga government agencies, kabilang ang mga local government units.
Dagdag pa ng alkalde, hindi dapat mag-alala ang mga mamamayan patungkol sa kanilang ibinabayad na buwis dahil ito ay gagamitin sa pagpapatatag pa ng serbisyo publiko, pagtatayo ng mga imprastruktura at pagpapatupad ng mga proyekto.
Inihayag din ng mayora na maaring magbayad sa 16 na City Treasurer’s Satellite Offices na matatagpuan sa iba’t-ibang lugar sa buong lungsod. (PAUL JOHN REYES)
-
VCM at election materials, sinimulan nang ipadala sa mga lalawigan – Comelec
SINIMULAN nang ipadala noong Sabado ng Commission on Elections (Comelec) ang mga vote counting machine (VCM) at iba pang Automated Election System (AES) supplies sa iba’t ibang bahagi ng bansa. Ayon kay Comelec Spokesperson James Jimenez, inumpisahan na ring ilagay sa mga truck ang mga VCM at ballot boxes. Uunahing hatiran […]
-
Lahat ng natutunan kina Vilma at Edu: LUIS, napakinabangan at naipapasa kay Baby PEANUT
LAHAT ng natutunan ng Kapamilya TV host na si Luis Manzano sa mga magulang niyang sina Vilma Santos at Edu Manzano ay napakinabangan na niya ngayon para sa anak na si Peanut. Kumbaga yung mga natutunan niya sa mga magulang at na-experience niya mula sa mga ito ay nai-apply niya ngayon sa pangangay na […]
-
Labis na hinangaan sina Justin, Francine at EJ: ‘Nasa Iyo Ang Panalo’ ng Puregold, panalo sa puso ng mga Filipino netizens
NGAYONG 2022, minarkahan ng Puregold ang kanilang ika-25 na taon bilang isa sa nangunguna sa Philippine retail landscape. Upang gunitain ang makabuluhang okasyong ito, inilabas ng Puregold ang “Nasa Iyo ang Panalo” digital ad series sa iba’t-ibang social media platforms nito, kung saan nakakuha na ito ngayon ng higit 43.1 milyon online views. […]