• July 1, 2024
  • Search in People's Balita

  • Ang Diyaryong Pinagkakatiwalaan

 

‘Maging Sino Ka Man’ nila ni Barbie, papalit sa ‘Voltes V: Legacy’: DAVID, may gagawing teleserye at movie sa China

NAGING matagumpay ang ribbon-cutting at blessing ng bagong branch ng Blue Water Day Spa noong Agosto 11, 2023 na pinangunahan ni Pambansang Ginoo David Licauco. 
Ang pinakabagong sangay nito ay matatagpuan sa 2nd Floor South Wing ng Estancia Mall, Capitol Commons, Meralco Avenue, Ortigas Center, Pasig City.
Bukod sa Kapuso actor na talaga namang pinagkaguluhan at ramdam na ramdam ang kasikatan, dumalo rin ang mga kilalang personalidad, habang ang mga esteemed brand ambassador ng Blue Water Day Spa ay nagdagdag ng star power sa kaganapan.
Kinabibilangan ito nina Miss Universe Philippines 2019 Gazini Granados, Miss World Philippines 2021 Tracy Maureen Perez, Miss Grand Philippines 2023 Nikki De Moura, TV Actor, Host Model na si Fabio Ide, at si Asia’s Romantic Balladeer Christian Bautista.
May big revealations naman si David na abala sa taping ng ‘Maging Sino Ka Man’ nila ni Barbie Forteza, na balitang papalit sa pinag-uusapan pa ring ‘Voltes V: Legacy’ next month,  nakatakda rin siyang gumawa ng teleserye at pelikula sa China.
Balitang sa September na raw ang pagpunta ni David sa ilang lugar sa China at may kukunan din sa ‘Pinas.
Actually, kababalita pa lang ng kanyang manager na si Arnold Vegafria, na done deal ang serye at pelikula.  Kaya in a way, na-excite din si David na makatrabaho ang mga Chinese actors
Wala sanang maging problema ang project na ito ni David, dahil sa pinag-uusapan na namang sigalot sa Ayungin Shoal.
Sa Estancia Mall Branch ay ipinagmamalaki na nag-aalok ng malawak na hanay ng mga serbisyo tulad ng mga natatanging masahe, non-invasive facial at body treatment, waxing, at maselang paggamot sa kamay at paa. Pangako rin ng Blue Water Day Spa na mananatiling nakatuon sa pagtiyak ng pisikal at mental na kapakanan ng kanilang mga parukyano.
Ang Blue Water Day Spa Estancia Mall Branch ay bukas mula 1 pm hanggang 10 pm, mula Lunes hanggang Linggo (na may Tel No. 0917- 8810092).
Bukas na rin ang Blue Water Day Spa BGC Branch na matatagpuan sa Ground Floor ng The Infinity Tower sa 25th Street, BGC na may mga parking space sa loob ng establishment para sa madaling access sa mga oras ng negosyo mula 3 pm hanggang 12 am araw-araw (at maaaring tawagan sa 0917-1459159).
Manatiling konektado sa pamamagitan ng pag-follow sa Blue Water Day Spa sa Facebook at Instagram. Para sa mga katanungan at reserbasyon, maaari ka ring makipag-ugnayan sa pamamagitan ng email
Maaari mo ring bisitahin ang ibang Blue Water Day Spa Locations sa BANAWE BRANCH, One Banawe Plaza, Mezzanine Floor, Banawe Corner Calamba Street, Quezon City (Tel No. 0947-8965075), ORTIGAS BRANCH Eton Square Ortigas, 425 Ortigas Avenue, San Juan City (Tel No. 0917-8156659).

***

 

NAG-ISYU ang Movie and Television Review and Classification Board (MTRCB), motu proprio, ng Notice to Appear at Testify sa Production Group ng noontime variety show E.A.T. hinggil sa pagmumura ng isa sa mga host ng programa na si Wally Bayola noong ika-10 ng Agosto 2023, na namataan ng MTRCB Monitoring and Inspection Unit.

 

Nilabag ng naturang eksena ang Section 2 (B), Chapter IV of the Implementing Rules and Regulations of Presidential Decree No. 1986 (PD No. 1986). Itinakda ang pagdinig sa ika-14 ng Agosto 2023, Lunes, sa MTRCB Offices sa Timog Avenue, Quezon City.

 

Ipinaalala ng MTRCB na anumang paglabag sa PD No. 1986 at sa mga Patakaran at Regulasyon nito na namamahala sa mga pelikula, mga programa sa telebisyon, at kaugnay na promotional materials nito ay parurusahan ng suspensyon o kanselasyon ng mga permiso at/o lisensya na inisyu ng Board at/o ng pagpapataw ng multa, at iba pang uri ng administratibong parusa.

 

***

 

SAMAHAN si Howie Severino at ang I-Witness sa kanilang paglalakbay sa maganda at makasaysayang Ilog Pasig sa dokumentaryong “Trip to Pasig,” ngayong Sabado (August 12), 10:15 PM sa GMA.
Ang Pasig River ay tinuturing na isa sa pinakamahahalagang ilog sa bansa, kaya naman tutungo rito si Howie para alamin ang mga kontribusyon nito sa lungsod pati na rin ang mga nakaambang banta rito.

Sa dokumentaryo, mababalikan ng mga manonood ang nakaraan kung saan malaki ang naitutulong ng ilog sa komersyo ng Metro Manila dahil dito nakadepende ang kabuhayan ng maraming Piipino.

Kasunod ng mga rehabilitasyong ginawa sa Ilog Pasig, bibigyang-pansin ni Howie ang planong pagpapatayo ng elevated expressway na sasakupin ang buong ilog para makonekta ang mga siyudad ng Metro Manila at makatulong diumano sa problema ng traffic. Sa kanyang pakikipag-usap sa mga residente, aalamin ni Howie ang kanilang saloobin sa proyekto. Kakapanayamin din niya ang mga opisyales na nagsusulong nito.

Samantala, maaliw habang sinusubukan ni Howie at ng kanyang team ang isang libangang matagal nang ginagawa sa lungsod ng Pasig.

Lahat ng iyan sa dokumentaryo ni Howie Severino na “Trip to Pasig” sa I-Witness ngayong gabi10:15 PM sa GMA.

For more updates about the Kapuso Network, visit www.gmanetwork.com.
(ROHN ROMULO)
Other News

  • MPBL bongga pagbalik – Pacquiao, Duremdes

    NAKATENGGA ang 3rd Maharlika Pilipinas Basketball League (MPBL) 2019-20 Lakan Cup dahil sa pandemya nang mag-lockdown ang bansa at magkanselasyon ng lahat ng sports event sapul pa noong Marso 2020.     Pero ipinahayag nito lang isang araw nina MPBL CEO/founder Sen. Emmanuel Pacquiao at Commissioner Kenneth Duremdes na wala sa plano ang pagtiklop ng […]

    read more

  • Chris Evans Reflects His Potential Return In ‘Knives Out’ Sequel

    ‘KNIVES Out’ star Chris Evans reflects on the way his character could return.     The 2019 film, which was directed by Rian Johnson, centered on the mystery surrounding the murder of crime novelist Harlan Thrombey (Christopher Plummer). Although it at first seemed to be caused by the actions of his nurse Marta Cabrera (Ana […]

    read more

  • Pananaw ng mga Pilipino sa COVID-19, isinalang sa survey ng SWS

    Lumabas sa resulta ng bagong surver na isinagawa ng Social Weather Station na 9 sa 10 Pilipino ang nangangamba na magkaroon ng coronavirus disease ang kanilang mahal sa buhay.   Sa survey na ginawa mula Hulyo 3 hanggang 6, lumabas na 85 percent ng 1,555 respondetns ang takot na mahawaan ng deadely virus ang sinomang […]

    read more
People's Balita.
All rights reserved. © Copyright 2024.