Mapapanood na rin sa YouTube ang ‘My Plantito’: TikTok series nina KYCH at MICHAEL, mahigit 29.5 million views na
- Published on October 21, 2023
- by @peoplesbalita
HABANG lalong nakakamit ng My Plantito ng Puregold Channel ang pagkilala dahil sa mahusay na pagpapakita nito ng kuwentong boy-love, pamilyang Pilipino, at pakikipagkaibigan, mapapanood na ang serye ng retailtainment pioneer sa YouTube ngayon na may English subtitles.
Tampok si Kych Minemoto bilang nangangarap na vlogger na si Charlie, at si Michael Ver bilang gwapong kapitbahay at plantito na si Miko, mabilis na sumikat ang digital na serye sa mga tagapanood sa buong bansa, na ang 21 episode nito ay mayroon nang 29.5 milyong view sa kasalukuyan.
Noong una itong ipinalabas, naging paborito kaagad ang serye ng mga fan, dahil itinatanghal nito ang perpektong balanse ng kilig, kwela, at nakatutunaw ng pusong mga sandali hindi lamang sa pagitan nina Charlie at Miko, pati na rin kina Charlie at ang mapagmahal nitong ama na si Janong (Chef Ghaello Salva), at ang tapat nitong best friend na si Bianca (Devi Descartin).
Dahil dito, masayang inaanunsyo ng Puregold na mapapanood na ang serye sa YouTube na may English subtitles, para mas maabot pa ito ng mga fan sa iba-ibang sulok ng mundo.
“Alam namin kung gaano kainit ang pagtanggap ng mga tagapanood sa ‘My Plantito’ at naririnig namin ang hiling ng mga fan na mas marami pa sana itong maabot,” ani Ms. Ivy Hayagan-Piedad, Senior Manager for Marketing ng Puregold Channel.
“Ngayong may English subtitles na ang YouTube episodes ng My Plantito, patunay lamang na nakikinig ang Puregold Channel at tumutupad ng pangako. Ngayon, ang mga tagasubaybay mula sa ibang mga bansa ay may oportunidad na matunghayan ang magandang kuwento ng serye.”
Dagdag sa tagumpay ng kompanya sa industriya ng retail, nangunguna rin ang Puregold sa retailtainment, at kabilang sa mga serye na naipalabas nito ang GVBoys, Ang Babae sa Likod ng Face Mask, Ang Lalaki sa Likod ng Profile, at 52 Weeks.
Mapapanood ang My Plantito na may English subtitles sa opisyal na YouTube Channel ng Puregold, https://www.youtube.com/@PuregoldChannel.
Ang YouTube cut ng serye ay mapapanood sa loob ng pitong linggo, at ipinalabas na ang unang episode noong Oktubre 7.
(ROHN ROMULO)
-
Penitential walk ng mga pari sa Archdiocese of Manila, hindi isang political rally
Binigyang diin ng pamunuan ng Minor Basilica of the Black Nazarene o Quiapo Church na tanging mga Pari lamang ng Archdiocese of Manila ang kabilang sa Penitential Walk sa unang araw ng Hunyo na idineklara din bilang ‘Day of Prayer and Fasting’ sa arkidiyosesis. Ayon kay Rev. Fr. Douglas Badong, Parochial Vicar ng […]
-
BULAKENYO FALLEN HEROES
Binisita nina Gobernador Daniel R. Fernando, Bise Gob. Alexis C. Castro, Punong Bayan ng San Miguel Roderick D. Tiongson, at Special Assistant to the Governor Michael Angelo Lobrin sa Glory to God Funeral Services sa San Miguel, Bulacan ngayong araw ang mga labi ng limang Bulakenyong rescuer na nagbuwis ng kanilang buhay habang gumaganap sa […]
-
3 Filipino cardinals dumadalo sa ipinatawag na ‘consistory’ sa Vatican ni Pope Francis
NASA tatlong mga Filipino cardinals ang nasa Vatican ngayon upang dumalo sa dalawang araw na extraordinary consistory na ipinatawag ni Pope Francis. Kinumpirma ng Catholic Bishops’ Conference of the Philippines (CBCP) ang naturang impormasyon sa pamamagitan nang paglalabas ng larawan na magkakasama sa Vatican sina Cardinal Luis Antonio Tagle, Pro-Prefect of the Dicastery […]