Sinuportahan din ang movie nina Alden: HEART, pina-follow na rin sa IG si MARIAN at mukhang nagkaayos na

HINDI magiging big deal ang ini-upload na video ni Maxene Magalona sa kanyang Instagram account kung walang lumantad at nagki-claim na naging lover at anak ni Francis Magalona ang 15 year old niyang anak.

Ang saya-saya ni Maxene sa video habang nagda-drive ang Papa niya na si Francis M at nagra-rap na nabanggit pa ang pangalan niya. Such a father-daughter instant bonding moment.

May nag-upload lang muli ng video na ito na tinag si Maxene at nagpasalamat nga si Maxene.

Sa caption niya sa kanyang Instagram, sinabi niya na, “Rest in peace, Papa. Thank you for sending this to me, @i_am_zeey.”

Tila makahulugan din ang simpleng, “rest in peace” na caption ni Maxene para sa ama, lalo na nga at may 14 na taon nang namayapa ang ama. Na dahil sa ingay nga ngayon na nauungkat ang nakaraan, though, wala na ang ama para mag-validate ng lahat ng ito, parang anak na nagwo-worry siguro na sa isyu ngayon, sana ay mapayapa si Kiko saan man ito naroroon ngayon.

Isa naman si Angelica Panganiban sa nag-comment sa video post na ito ni Maxene at sinabi na, “Grabe yung happiness mo sizzzy.”

Maraming heart emojis naman ang comment ni Mariel Padilla.

Karamihan naman ng comment ng ibang netizens, “Truly a Daddy’s girl.”

“The King and the OG Princess.”

“Papa’s girl Maxene.”

“Maxene is the girl version of her Dad.”

At comment naman ng isa pang netizen, “This is how you do it. You protect your parent’s legacy not ruin his reputation or dig up controversy. Stay classy.”

***

SINUPORTAHAN ni Heart Evangelista si Alden Richards sa pelikula nitong “Five Breakups and a Romance.”

Nanood si Heart kasama ang mga kaibigan niya ng block screening ng movie sa Podium.

Ang isa sa mga executive ng GMA-7 na si Ms. Gigi Santiago-Lara ang nag-sponsor ng block screening. Aliw si Heart nang tanungin namin kung ano ang masasabi niya sa movie.

Ayon dito, “I love it, kasi, yung mga artista ngayon, pwede silang magmura, pwede na silang humawak ng yosi. So, makatotohanan. Very liberating siya. Feeling ko, parang ang sarap ng feeling na nagagawa na.”

Nami-miss na rin daw ni Heart ang paggawa ng movie, pero dahil nga sobrang busy niya sa ibang bagay, mainly sa fashion, pina-plano raw niya na kahit once a year, makagawa rin siya.

Sa isang banda, maingay naman ang balita na okay na sa pagitan nina Heart at Marian Rivera na ilang taon din na may isyu at masasabi talagang hindi okay sa isa’t-isa.

Pareho na kasing nagpa-follow sina Heart at Marian sa kanilang mga Instagram accounts.

(ROSE GARCIA)