Kinatay na motorsiklo natunton dahil sa social media
- Published on November 7, 2023
- by @peoplesbalita
SA tulong ng kanyang Facebook at social media account, naaresto ang isang suspek at natunton ang kanyang tinangay na motorsiklo sa Bacoor City, Cavite Linggo ng hapon.
Kasong paglabag sa PD 1612 (Anti-Fencing Law) ang kinakaharap ng suspek na si alias ‘Jack’ nasa wastong edad dahil sa reklamo ni Rodrigo Navarette Jr y Luna, nasa wastong edad.
Sa ulat, ipinarada ng biktima ang kanyang motorsiklo na Honda TMX 155 na may side car sa harapan ng Maliksi Elementary School sa Brgy Bayanan, Bacoor City Cavite subalit nang balikan nito at nawawala na.
At sa pamamagitan ng footage sa Closed Circuit Television (CCTV) sa lugar, nalaman nito na tinangay ng suspek.
Dahil dito, in-post ng biktima sa kanyang Facebook account, gayundin sa Messenger account sa group ng kanyang kapwa motorcycle driver. Hinggil sa pagkawala nito.
Ilang sandali lang nang nakatanggap siya ng tawag mula sa lanyang kapwa driver na nakita ang side car nito sa Brgy talon 5, las Pinas City,
Isa pang tawag ang kanyang natanggap na nakita ang kanyang motorsiklo sa bahay ng suspek sa Brgy Bayanan, Bacoor City, Cavite at pinamamadali ito dahil sinisimulan ng katayin.
Agad na ipinagbigay alam sa pulisya kung saan nagtungo sa lugar dakong alas-2:00 kamakalawa ng hapon na nagresulta sa pagkaka-aresto sa suspek.
Narekober sa bahay ng suspek ang ilang piraso ng kanyang motorsiklo na kinatay kabilang ang kanyang side car at mug wheels. GENE ADSUARA
-
Speaker Ferdinand Martin Romualdez pinuri ang gobyerno ng Timor-Leste sa pagbasura sa kahilingan ni Teves
PINURI ni Speaker Ferdinand Martin Romualdez ang gobyerno ng Timor-Leste sa pagbasura nito sa kahilingan ni Negros Oriental Rep. Arnolfo “Arnie” Teves Jr. na political asylum sa nasabing bansa. Sa pagtanggi na ito ng naturang bansa, muling nanawagan ang speaker kay Teves na umuwi na ng Pilipinas, ayusin ang kanyang suspensiyon sa Kamara […]
-
Kinaligiwan ng netizens ang photos ni Baby Aurora: ALFRED, nagpa-face reveal na sa ika-apat na anak nila ni YASMINE
SA Instagram account nila, may pa-face reveal na nga mag-asawang Alfred Vargas at Yasmine Espiritu sa kanilang fourth baby na si Aurora Sofia. Super cute ang pictorial photo nang natutulog na anak habang nakabalot sa blanket at may suot na headband na mga flower. Caption nila sa naturang IG post, “To […]
-
Kiamco sinargo ika-4 na titulo sa Louisiana
SINAKOP ng mga Pilipino ang unang tatlong puwesto sa katatapos na 6th Annual Buffalo’s Pro Classic Open 9-Ball Billiard sa Jefferson, Louisiana, USA. Naghari si Warren Kiamco nang manaig kay Roland Garcia sa all-Pinoy finals upang ibulsa ang $4,500. Kumita si Garcia ng $2,300 habang ang tumerserong si Carlo Biado may $1,200. […]