“Real queens support each other”: HEART, nagsalita na tungkol sa pagkakaayos nila ni MARIAN

MARAMI ang nagdiwang na nagkaayos na sina Heart Evangelista at Marian Rivera.

Panahon ng shooting nila noong 2011 ng pelikulang ‘Temptation Island’ nagsimulang umikot ang balitang magkagalit ang dalawang reyna ng GMA.

Pero kamakailan, makalipas ang labingdalawang taon ay nagulantang ang marami dahil biglang pina-follow na nina Heart at Marian ang isa’t-isa sa Instagram.

At kailan lang, mismong si Heart ang nagsalita tungkol dito ng mainterbyu sa isang event.

“I don’t want it to be anything that’s for publicity because something like that should be from your heart,” ani Heart.

“Marian and I, we’ve always liked each other,” bulalas pa ni Heart.

Positibo ang dating nito sa publiko lalo pa nga at parehong reyna ng GMA ang muling naging magkaibigan.

Bongga nga ang sinabi ni Heart na, “Real queens support each other. It’s a testament that it’s really the people around us that makes things bad.”

Kung happy ang netizens, siyempre pa ay masaya rin si Heart sa nangyari.

“I guess it’s just a matter of time and honestly, I really appreciate her.

“She has a very strong character but I really appreciate her kindness and her, just her heart,” wika pa ni Heart.

At siyempre, tiyak na hihintayin ng publiko na (muling) magkasama sa isang proyekto sina Heart at Marian.

“I don’t know kasi siya kasi, busy din siya. But I think for me what’s important is, in the real world, we’re okay. And that for me is a true queen,” binitiwang salita pa ni Heart.

***

FROM two queens to another queen, this time ay tungkol naman kay Claudine Barretto ang magandang balita.

Binisita kasi si Claudine ng kanyang mga anak sa unang araw ng taping niya para sa bago niyang serye sa GMA, ang ‘Lovers/Liars.’

Sinorpresa si Claudine ng mga anak niyang sina Santino, Sabina, Quia, at Noah sa unang araw ng taping nito nabanggit na serye na pinakabagong collaboration drama series ng GMA Network at Regal Entertainment.

Bukod sa pagbisita sa kanya sa set ay may pa- bulaklak pa para kay Claudine ang mga anak niya.

Idinaan ni Claudine sa kanyang Instagram post ang pasasalamat niya sa kanyang mga anak.

“Thank you so much my babies for surprising me on my 1st day of taping @sab_barretto @santinosantiago12 [I love you] all so much. This is for [you] kiddos and for all my #claudinians,” caption ni Claudine sa larawan nilang mag-iina.

Gaganap sa ‘Lovers/Liars’ si Claudine bilang Via Laurente na CEO ng isang real estate company.

Kasama rin sa serye sina Shaira Diaz, Yasser Marta, Rob Gomez, Kimson Tan, Michelle Vito, Sarah Edwards, Polo Ravales, Christian Vasquez, at Lianne Valentin.

Sa direksyon ni Crisanto Aquino, likha nina Jose Javier Reyes at Noreen Capili mapapanood na ito ngayong November 20, 9:35 p.m. sa GMA Telebabad.

(ROMMEL L. GONZALES)