Bawas sa physical distancing sa mga PUV taliwas sa safety policies
- Published on September 18, 2020
- by @peoplesbalita
IPINAHAYAG ni Navotas City Mayor Toby Tiangco na ang pagbabawas ng distansya sa physical distancing sa mga pampublikong sasakyan ay taliwas sa mga umiiral na safety policies.
“Lumabas sa pag-aaral ng mga health experts na ang social distancing, tamang pagsuot ng face mask at handwashing ay nakakatulong para maiwasan ang hawaan ng virus,” ani Tiangco.
“Ang mga tren, air-con na bus, eroplano at iba pang pampublikong transportasyon ay mga closed spaces. Sa mga espasyong tulad nito, mas mataas ang posibilidad ng hawaan”, dagdag niya.
“Anim na buwan nating itinuturo sa ating mamamayan ang halaga ng pagdidistansya kahit sa bahay at lugar ng trabaho bakit natin hayaan na iwan nila ang safety measure sa pagsakay sa public transportation?” patuloy niya.
Naghayag din ng pagkabahala si Tiangco na ang pagre-relax sa physical distance requirement ay maaaring maglagay sa mga mamamayan sa panganib na mahawa ng sakit.
Kinatigan ng Inter-Agency Task Force on Emerging Infectious Diseases (IATF-EID) ang panukala ng Economic Development Cluster (EDC) at Department of Transportation (DOTr) para madagdagan ang mga sumasakay sa pamamagitan ng pagbabawas ng distansya sa mga mass transit.
Mula isang metro, ang itinakdang physical distance sa pagitan ng mga pasahero ay unti-unting babawasaan ng .3 meters matapos ang apat na lingo. (Richard Mesa)
-
Paul George nakaranas ng anxiety at depression sa NBA bubble
Ibinunyag ni Los Angeles Clippers star Paul George na dumanas ito ng depression at anxiety habang nasa loob ng NBA bubble. Isinagawa nito ang pahayag matapos talunin ng Clippers ang Dallas Mavericks 154-111 sa Game 5 ng first round ng NBA playoffs. Dagdag pa nito na na-underestimate niya ang kaniyang sarili kaya nakaranas […]
-
Viral online seller na si Madam INUTZ, in-spoofs ni POKWANG; Kuya WIL II, nilatag ang plano tulad ng single at album
TULUYAN nang pumirma ng kontrata si Daisy Lopez na mas makilalang Madam Inutz kayformer Mr. Gay World titlist Wilbert Tolentino, na sikat din na businessman, social media infuencer at philanthropist. Ang kontrata ay sinulat sa Pilipino para lubos na maintindihan ni Daisy ang nilalaman nito kasabay na rin ng pagdiriwang ng Linggo ng Wika. Sa pagpirma ng kontrata ay kasama nila si Atty. Bertini Causing. […]
-
Matapos na makapasok ni Angeli sa ‘Black Rider’: RURU, gusto ring makatrabaho ng Vivamax starlet na si ATASHA
MUKHANG feel ng Vivamax starlet na si Ataska Mercado ang makatrabaho si Ruru Madrid. Sa programang ‘The Boobay and Tekla Show’ kunsaan kasama ni Ataska na mag-guest ang kapwa Vivamax sexy starlets na sina Angelica Hart at Julia Victoria, inamin ni Ataska na nila-like niya ang mga photos sa social media account […]