Pebrero 9, idineklarang special non-working day para sa Chinese New Year
- Published on January 23, 2024
- by @peoplesbalita
IDINEKLARA ni Pangulong Ferdinand R. Marcos Jr. na isang special non-working day sa buong bansa ang Pebrero 9, 2024 bilang pagdiriwang ng Chinese New Year.
Tinintahan ni Pangulong Marcos ang Proclamation 453 nito lamang Enero 18, nagdedeklara ng nationwide holiday para mabigyan ng pagakakataon ang mga Filipino na ipagdiwang ang Chinese New Year at i-enjoy ang mas mahabang weekend.
“The declaration of 09 February 2024, Friday, as an additional special non-working day throughout the country will give the people the full opportunity to celebrate the Chinese New Year and enable our countrymen to avail of the benefits of a longer weekend,” ang nakasaad sa proklamasyon.
Sa ilalim ng Proclamation 453, inatasan ang Department of Labor and Employment (DOLE) na magpalabas ng kaukulang circular para sa implementasyon ng proklamasyon para sa pribadong sektor.
Matatandaang noong, Oktubre 11, 2023, nagpalabas si Pangulong Marcos ng Proclamation 368, nagdedeklara sa Feb. 10, 2024, bilang special non-working day sa buong bansa para sa pagdiriwang ng Chinese New Year.
Ang Chinese New Year ay ang tradisyonal na pagdiriwang ng mga Tsino sa pagpasok ng bagong taon batay sa sinusundan nilang lunar calendar.
Sa Pilipinas, tinawag itong Chinese New Year kung saan dati’y ipinagdiriwang lamang ng mga Tsino-Pilipino at nakasentro sa Binondo, isa sa mga pinakalumang Chinatown sa bansa. (Daris Jose)
-
25 call center agents, nag-positibo sa COVID-19 matapos ang beach party sa Subic
Iimbestigahan pa ng Subic Bay Metropolitan Authority (SBMA) kung may nalabag na health protocols sa loob ng Subic Freeport dahil dito lamang ang jurisdiction ng SBMA. May kaugnayan ito sa 25 empleyado ng isang business outsourcing company (BPO) na nagpositibo sa COVID-19 matapos ang kanilang isinagawang beach at pool party sa Subic. Ayon […]
-
DOH: Pagluwag ng Metro Manila sa Alert Level 1 sa Disyembre, ‘posible’
Hindi malayong mailagay sa pinakamaluwag na “alert level system” ang buong Kamaynilaan basta’t masustena nito ang mga tagumpay nito sa laban sa COVID-19 hanggang Disyembre, pagbabahagi ng Department of Health (DOH). Ito ang sinabi ni Health Undersecretary Maria Rosario Vergeire, Lunes, kaugnay ng patuloy na pag-igi ng COVID-19 situation sa National Capital Region. […]
-
MANILA HEALTH WORKERS, BUWIS-BUHAY PERO…
KUMPARA sa ibang siyudad at munisipalidad sa bansa, hindi nabibigyan ng tamang kalinga at malasakit aqng mga barangay health workers ng Maynila. “Naririnig natin, maayos daw ang honorarium at benefits ng health workers natin, pero kabaligtaran ito. Hindi siya nabibigyang halaga ng city government, pati ang ating mga barangay tanod na palaging nakaumang […]