“Hudas” timbog sa Valenzuela buy bust, P2.4 milyon droga nasamsam
- Published on February 16, 2024
- by @peoplesbalita
UMABOT sa mahigit P2.4 milyong halaga ng illegal na droga ang nasamsam sa isang drug suspect na itinuturing bilang High Value Individual (HVI) matapos matimbog ng pulisya sa isinagawang buy bust operation sa Valenzuela City, Huwebes ng umaga.
Kinilala ni Valenzuela police chief P/Col. Salvador Destura Jr. ang naarestong suspek na si alyas “ Reymond Hudas”, 33 ng Block 4, Lot 5, Phase 2A, Northville 1, Brgy., Bignay.
Sa kanyang report kay Northern Police District (NPD) Director P/BGen. Rizalito Gapas, sinabi ni Col. Destura na nakatanggap ng impormasyon ang mga operatiba ng Station Drug Enforcement Unit (SDEU) hinggil sa pagputok ng pangalan ni “Hudas” sa pagbebenta umano ng droga sa kanilang lugar at kalapit na mga barangay.
Isinailalim ng SDEU sa validation ang suspek at nang positibo ang ulat ay agad nagkasa ang mga ito ng buy bust operation sa pangunguna ni P/Cpt. Ronald Sanchez at PEMS Restie Mables kung saan isang pulis na nagpanggap na buyer ang nagawang makipagtransaksyon kay “Hudas” ng P8,500 halaga ng droga.
Nang matanggap ang pre-arranged signal mula sa kanyang kasama na hudyat na nakabili na ito ng droga sa kanilang target ay agad lumapit ang back-up na operatiba saka dinamba si “Hudas” sa harap mismo ng kanyang bahay dakong alas-7:40 ng umaga.
Ayon kay Cpt. Sanchez, nakumpiska sa suspek ang humigi’t kumulang 365 grams ng hinihinalang shabu na nagkakahalaga ng P2,482,000, buy bust money na isang tunay na P500 bill, kasama ang 8-pirasong P1,000 boodle money, hard case, cellphone at digital weighing scale.
Ani PSSg Carlos Erasquin Jr, kasong paglabag sa Sections 5 at 11 under Article II of RA 9165 (Comrehensive Dangerous Drug Act of 2002) ang isasampa nilang kaso laban sa suspek sa Valenzuela City Prosecutors Office.
Pinuri naman ni Gen. Gapas si Col. Destura at kanyang mga tauhan sa kanilang pagtugon sa inilatag na agenda ng PNP Chief na “Aggressive & Honest Law Enforcement Operations” na nagresulta sa pagkakaaresto sa suspek. (Richard Mesa)
-
EO sa paglikha ng water resources management office sa DENR, oks kay PBBM
TININTAHAN ni Pangulong Ferdinand R. Marcos Jr. ang isang executive order para sa pagtatayo ng Water Resources Management Office (WRMO) sa Department of Environment and Natural Resources (DENR) na naglalayong pagsama-samahin ang pagsisikap ng pamahalaan na tiyakin ang “availability at sustainable management” ng water resources sa bansa. Sa ilalim ng Executive Order No. […]
-
Hinuhulaan pa rin kung kailan ang kasal: ARJO at MAINE, nanggulat sa pasabog na photoshoot para sa cover ng magazine
ANG bongga ng photoshoot ng magkasintahan na Maine Mendoza at Cong. Arjo Atayde na suot formal wear para sa Mega magazine. Nakasuot ang aktres at ang representative ng Kyusi ng traditional wear para sa isang magazine cover para buwan ng Hunyo na kinunan ng photographer na si Mark Nicdao sa Palacio de Memoria, Parañaque City. […]
-
Angelica, ‘di napigilang patulan ang nagmalditang basher
NAG-POST si Angelica Panganiban sa kanyang IG ng photo kasama ang kanyang ina na si Annabelle Panganiban at may caption na, “Mamalab” kasama ang dalawang purple hearts at two hearts emojis. Pero may isang netizen, na si @lovelove20191983 na nag- maldita at nag-comment, “Sad she raised a MALDITA daughtER SAD SAD SEE HER FACE..” […]