Ordinansa sa regulasyon ng tubig, ipatupad
- Published on March 1, 2024
- by @peoplesbalita
IMINUNGKAHI ni Metro Manila Council (MMC) president at San Juan City Mayor Francis Zamora sa mga lokal na pamahalaan sa rehiyon na magpatupad ng mga ordinansang nagre-regulate ng tubig, upang mabawasan ang impact ng El Niño phenomenon.
Ayon kay Zamora, mahalaga ang pagsasagawa ng mga kaukulang hakbang upang tugunan ang epekto ng El Niño at makapagtipid ng water resources sa Kamaynilaan.
Binigyang-diin ng alkalde na mahalagang i-regulate ng mga local government units (LGUs) ang paggamit ng tubig, base na rin sa kanilang ispesipikong demograpiko.
Aniya, maaaring magpasa ang mga ito ng mga ordinansa na angkop para sa pangangailangan sa kanilang lugar.
Inihalimbawa pa ni Zamora na hindi lahat ng lungsod ay mayroong mga golf courses at malalaking hotel na may mga swimming pools.
Maaari pa rin naman aniyang mag-operate ang ilang mga car wash ngunit dapat na maging episyente ang paggamit nila ng tubig upang maiwasan ang pagkasayang nito.
Iminungkahi rin niya ang pagtatayo ng mga water catchment areas sa NCR para ma-maximize ang paggamit ng mga tubig-ulan.
Sa ilalim ng naturang sistema, ang tubig-ulan ay kokolektahin mula sa bubong ng bahay, patungo sa mga drum upang kaagad na magamit sa ibang bagay, gaya nang pagpa-flush ng toilet o paglilinis.
Anang alkalde, sa San Juan City ay nagtayo na sila ng mga catchment systems sa mga barangay halls, gayundin sa mga city-owned facilities.Pinayuhan din ni Zamora ang publiko na magkaroon ng disiplina at huwag mag-aksaya ng tubig. Binigyang-diin pa niya na mahalaga ang pagkakaroon ng proactive measures, partikular na sa panahon ng El Niño phenomenon.
-
Displaced jeepney drivers posiblengkunin contact tracers sa COVID-19
Pinag-uusapan ng pamahalaan ang posibleng pagbibigay ng trabaho sa mga displaced na jeepney drivers bilang contact tracers para sa COVID-19. Ang pamahalaan ay may planong gumastos ng P11.7 billion upang mag-hire ng mga contact tracers sa loob ng tatlong buwan. Sila ang mag-identify ng mga taong nagkaroon ng close contact sa mga taong […]
-
P5.1M HALAGA NG SHABU, NASABAT NG BOC
TINATAYANG nasa P5.1 milyong halaga ng methamphetamine hydrochloride na karaniwang kilala sa tawag na “Shabu” ang nasabat, habang dalawang claimant ang nasakote matapos ang matagumpay na anti-drug interdiction operation na pinagsama-samang isinagawa ng Bureau of Customs NAIA, Philippine Drug Enforcement Agency (PDEA), at NAIA Inter-Agency Drug Interdiction Task Group sa Central Mail Exchange Center noong […]
-
Mataas na employment rate, patunay ng economic momentum
NANINIWALA ang isang kongresista na isang patunay ng economic momentum o pagsipa muli ng ekonomiya ang naitalang pagtaas sa employment rate ng bansa noong buwan ng Nobyembre noong nakaraang taon. Sinabi ni Ways and Means Committee Chair Joey Salceda, malaking tulong dito ang pagbabalik ng face-to-face activities at consumer spending. Pinaka-positibo […]