4 drug suspects nalambat sa Malabon, Navotas buy bust
- Published on April 9, 2024
- by @peoplesbalita
BAGSAK sa kalaboso ang apat na drug suspects, kabilang ang dalawang ginang matapos mabingwit ng pulisya sa magkahiwalay na buy bust operation sa Malabon at Navotas Cities.
Sa kanyang ulat kay Northern Police District (NPD) Director P/BGen. Rizalito Gapas, sinabi ni Malabon police chief P/Col. Jay Baybayan na dakong alas-3:00 ng madaling araw nang magsagawa ang mga operatiba ng Station Drug Enforcement Unit (SDEU) ng buy bust operation sa Gozon Compound, Brgy. Tonsuya kontra kay alyas “Merlin”, 58 (pusher/listed) ng Brgy. Longos.
Nang tanggapin ng suspek ang marked money mula sa pulis na nagpanggap na buyer kapalit ng isang sachet ng shabu ay agad siyang dinakip ng mga operatiba, kasama si alyas “Kang Kang”, 53, na bumili din umano ng droga kay ‘Merlin’.
Nakumpiska sa mga suspek ang nasa 5.0 grams ng hinihinalang shabu na nagkakahalaga ng P34,000 at buy bust money.
Sa Navotas, nalambat naman ng mga operatiba ng Navotas Police SDEU team sa buy bust operation sa Tanigue St., Brgy., NBBS Dagat-Dagtan dakong alas-10:18 ng gabi sina alyas “Vecvec”, 59, electrician ng Brgy. NBBS at alyas “Aron”, 20 ng Brgy. NBBN.
Ayon kay Navotas police chief P/Col. Mario Cortes, nakuha sa mga suspek ang aabot 5.5 grams ng hinihinalang shabu na may katumbas na halagang P37,400.00 at buy bust money.
Pinuri naman Gen. Gapas ang Malabon at Navotas police sa kanilang matagumpay na drug operation na nagresulta sa pagkakadakip sa mga suspek na mahahrap sa kasong paglabag sa RA 9165 o Comprehensive Dangerous Drug Act of 2002. (Richard Mesa)
-
Ini-release na ang debut single na ‘Room’: STELL, suportado ang solo career ng mga ka-grupo sa SB19
INILUNSAD na si Stell sa kanyang solo career sa pamamagitan ng inaabangang debut single na “Room.” Natutuwa ang Warner Music Philippines na i-welcome ang soulful singer ng kinikilalang P-Pop group na SB19 sa kahanga-hangang listahan ng mga Filipino artist. Simula sa bagong release na ito, ang Warner Music Philippines […]
-
Mahigit P1.1-B halaga ng ayuda naipamahagi na
Iniulat ng Department of Social Welfare and Development (DSWD) na halos 1 milyong low-income na mga Pilipino na naapektuhan nang pagpapatupad ng enhanced community quarantine (ECQ) sa National Capital Region (NCR) ang nakatanggap na ng kanilang ayuda. Aabot umano ng mahigit isang bilyong piso ang naipamigay ng nasabing ahensya. Batay sa […]
-
Fully vaccinated na mga batang nasa 12 to 17y/o, pumalo na sa 7.5M- Malakanyang
PUMALO na sa 7.5 milyong mga bata na nasa 12 to 17 y/o ang fully vaccinated, “as of Jan 28, 2022.” Sinabi ni Acting Presidential Spokesperson at Cabinet Secretary Karlo Nograles, resulta aniya ito sa patuloy na pagbabakuna ng pamahalaan sa mga naturang age group. Ani Nograles, makasisiguro naman ang lahat […]