Kung plantsado na ang kasal nina Shaira at EA: LEXI, three years palang karelasyon si GIL kaya ‘di nagmamadali

KUNG plantsado na ang kasal nina Shaira Diaz at EA Guzman sa 2026, hindi naman nagmamadali sina Lexi Gonzales at Gil Guerva.

Tatlong taon na ngayon ang relasyon ng dalawa pero ayon kay Lexi…

“I think it’s because we’re just taking it easy, kasi we’re not rushing into things pa naman Tito Boy.”

Sa recent guesting ni Lexi sa ‘Fast Talk with Boy Abunda’, sinabi pa nitong…

“Whatever comes to us each day, we just take it together. Pero binibigyan din namin ng chance ‘yung isa’t isa to grow on our own. So I think ‘yun po ang important.”

Ongoing ang Running Man Philippines season 2 kung saan isa si Lexi sa runners.

“Sasapakin!” ang pagbibirong sagot ni Lexi kung ano ang gagawin niya kapag may babaeng maglalandi kay Gil.

Joke lang iyon ni lexi dahil hindi naman raw siya territorial na girlfriend kay Gil.

“No naman po. I let him go out with his friends whenever he pleases.

“Siyempre huwag naman siyang super wasted kapag umuwi.”

At lalong walang problema kay Lexi kahit sino ang maging leading lady ni Gil sa anumang proyekto.

***

SINABI ni Paolo Contis na ayaw niya ang term o salitang “bakla”!

“Ayoko yung term na bakla,” bulalas ni Paolo.

“We’re all human beings, ganun lang kasimple ‘yun. Hindi ko alam kung bakit nagkaroon ng ‘babae,’ ‘lalaki,’ ‘bakla.’ I mean, it’s just too much.”

Naganap ang rebelasyon ni Paolo sa ‘Fast Talk With Boy Abunda.’

Dagdag pa ni Paolo…

“Everyone, pare-pareho tayong nabubuhay, pareho tayong nagmamahal ng pamilya. Gusto lang naman natin maging masaya, minsan nasasaktan.

“Pantay-pantay tayo. Yun lang ang natutunan ko sa mga kaibigan natin LGBTQ+. I mean, we’re all human beings, we don’t need to demand respect, we just need to be respected.”

“It’s a birthright.”

Incidentally, sa bagong pelikula si Paolo na “Fuchsia Libre” ay isang gay na MMA fighter ang role ni Paolo.

“Sobrang fun. I was able to work with the Philippine Wrestling Federation… and siyempre yung mga kaibigan nating mga gay kasama rin natin of course. Sa industriya marami at mahal na mahal ko naman yan. And I’m very happy that I was given the opportunity na makapag-play, at sana nagawan ko ng hustisya ‘yung pag-play ko bilang gay.”

(ROMMEL L. GONZALES)