Posible kayang gawin niya ang movie version?: VILMA, sobrang nagandahan sa stage play na ‘Grace’

BIGLAAN kaming isinama ng kaibigan at kapwa-Vilmanian na si Jojo Lim para manood ng stage play na “Grace” na ginanap sa Power Mac Spotlight Theatre sa Ayala Malls Makati Circuit.

In fairness, super ganda ang dula, hindi nakaka-antok at walang itulak-kabigin sa mga nagsipagganap tulad nina Shamaine Buencamino, Stela Cañete at marami pang iba under the direction of Dexter Santos.

Base sa Lipa apparition at istorya ng mga madre na naging saksi sa petals of roses ng Our Lady of Mediatrix.

Maraming mga celebrities ang kasabay naming nanood sa supposed to be last day pero na-extend due to public demand.

Ilan sa namataan namin ay ang Star for All Seasons Vilma Santos-Recto, Ricky Davao, Direk Jeturian, Atty. Joji Alonso, Malou Choa-Fagar, Mentorque producer Bryan Dy, Noel Ferrer, Allan Diones, Anna Pinggol at marami pang iba.

Nang hingan namin ng mensahe si Ate Vi tungkol sa napanood niya ay sobrang na nagandahan daw siya sa dula at gustong-gusto ang lahat ng mga nagsipagganap.

May ugong na isa ito sa mga gagawin niyang movie for the MMFF this December.

Ayon pa kay Ate Vi ay kilalang-kilala niya si Sis. Tereseng ang sinasabing pinakitaan ng mahal na birhen.

Personal at naging kaibigan ni Ate Vi ang nabanggit na madre and when in fact daw sa tuwing may retreat o misa na dadaluhan ni Ate Vi ay nagkakatsikahan sila ng madre.

Coincidence din naman na ang doktor ng madre hanggang sa binawian ng buhay ay si Dr. Magsino na naging doktor din ng namayapang ina ng aktres.

Believer at deboto ng Our Lady of Mediatrix si Ate Vi kung kaya naniniwala siya sa naturang apparition na siyang inilahad sa stage play.

Kung may particular na role na gagampanan si Ate Vi kung sakaling isasapelikula ang “Grace” ay no comment muna ang premyadong aktres.

***

SA mismong kaarawan niya last Saturday June 15 ay isinabay ng newbie pero sobrang husay nang umawit na si Debbie Lopez launching ng kanyang single “Ang Higugmaon Ka”.

Isang visayan song na handog ni Debbie sa mga kababayan niyang Cebuano.

Laking Talisay, Cebu si Debbie at lumuwas sa Maynila para lang ipagpapatuloy ang ambisyon niyang mapabilang sa mga iniidolo niyang mga singers.

In fairness magaling umawit at mag-perform si Debbie na sa totoo lang ay maraming lulumain sa mga nag-uumpisang singers lalo na yung mga nanalo sa mga singing contest.

Hindi naman itinago ni Debbie ang paghanga niya sa aktor na si JM de Guzman. Kaya nga raw pinaghandaan niya ang malapit na nilang pagkikita ng magaling na aktor.

Naikuwento pa ni Debbie na last year daw ay pinadalhan siya ng dalawang video greeting ni JM. Ang isa ay noong Valentine’s Day kung saan ay sinabihan siya ng aktor ng ‘I love you.’ Ang isa naman ay noong kaarawan niya mismo.

“May isang follower ako na friend niya ‘yung ano ni JM de Guzman. So, Valentine’s Day, kinikilig ako, nagsabi ng ‘I love you,’” sobrang kilig pang kuwento ni Debbie.

Binanggit pa ni Debbie na gusto rin daw naman ni JM na ma meet siya in person.

Kasabay naikuwento ni Debbie na nagkaalaman na raw sila ng contact number ni JM at nagkaka-text na sila ngayon.

Incidentally, bukod sa pagiging singer ay cosplayer at disc jockey rin si Debbie.

kasalukuyang naka-base sa Baguio City ang Cebuana singer na kung saan siya ay kilalang DJ sa ilang online radio stations, huh!

Napasok daw siya sa mundo ng pag-awit during the pandemic. Nag-audition daw siya sa Sessions Live Music Stream at mapalad naman siyang nakapasa.

“Kasama ko rin doon si Jeffrey Hidalgo and some of the international artists, and andu’n din ‘yung Boyce Avenue and K-pop.

Sa ngayon ay na-release na ang debut single ni Debbie na isang Cebuano song titled “Ang Higugmaon Ka” composed by Kuya Bryan. Mapapanood na ito sa YouTube channel ng nasabing composer.

“The song is about LDR (long distance relationship) and naka-relate ako, na-in-love ako sa isang guy, tapos ‘yung guy, may mahal palang iba,” sabi ni Debbie.

She revealed na isang seaman ang dati niyang minahal pero nadiskubre raw niyang may iba pa itong girlfriend.

Ngayon ay single raw siya at hindi na muna raw niya iniisip ang love life dahil naka-focus muna raw siya sa kanyang career.

(JIMI C. ESCALA)