• June 21, 2024
  • Ang Diyaryong Pinagkakatiwalaan

Pagpasok ng Pfizer sa Hulyo, hindi garantiya na makaka-avail ang lahat – Malakanyang

NGAYON pa lamang ay sinasabi na ng Malakanyang na hindi kasiguraduhan na sa sandaling makapasok na sa Hulyo ang bakuna sa COVID ng Pfizer sa bansa ay puwede nang maging available ito sa lahat ng gustong magpabakuna ng nabanggit na brand.

Tugon ito ni Presidential Spokesperson Harry Roque sa naging reaksiyon ng ilang sektor sa kanyang naging pahayag na huwag nang maging pihikan pa sa pagpili ng bakuna.

Aniya, bagama’t posibleng maging available na ang Pfizer sa July, hindi pa rin lahat ay puwedeng piliin ang naturang brand gayung hindi aniya ito magagamit sa mga probinsiya dahil sa kakulangan sa pasilidad.

Negative 70 aniya ang kailangang temperatura nito at tanging Maynila, Cebu at Davao  lamang umano ang mayroong mga cold storage facilities kung saan maaaring iimbak ang vaccine ng Pfizer.

Aniya, ganito ang sitwasyong hinaharap ngunit kung ang pag- uusapan ay kasalukuyang senaryo, sadya aniyang wala tayong choice o alternatibo dahil Sinovac lang ang paparating simula Pebrero hanggang buwan ng Hunyo.

“Well, uulitin ko po ano: Simula Pebrero hanggang Hunyo, wala po tayong alternatibo dahil parang iisa lang po ang darating na bakuna.

 

Pagdating po ng July, eh marami na pong papasok ‘no. Pero hindi naman po lahat iyan eh puwedeng piliin ng ating mga kababayan dahil iyong Pfizer po kinakailangan ng negative 70 ‘no,” ayon kay Sec. Roque.

“Ibig sabihin po, para lang  iyan sa Maynila, Cebu, Davao  na mayroong mga cold storage facilities, hindi po talaga magagamit iyan sa sa mga probinsiya dahil wala tayong mga facilities,” dagdag na pahayag nito.

At gaya aniya ng sinabi nina Department of Health Undersecretary Maria Rosario Vergeire at Executive Director ng Philippine Foundation for Vaccination at Professor Emeritus sa College of Medicine-UP-Manila Dr. Lulu Bravo na ang ahat ng bakuna na pumasa sa FDA ay “proven safe and proven effective.”

“So, hindi na po importante kung ano iyong brand. Pero uulitin ko po, wala na pong pilitan, kung ayaw talaga, okay lang po iyan, mawawala lang ang prayoridad kung sila po ay kabahagi ng priority population at pipila po sila sa huli,” giit ni Sec. Roque.

Samantala, ang NCR, CAR at Davao Region ay ilan lamang aniya sa mga mauunang lugar kung saan ikakasa ang pagbabakuna.

Other News
  • Nakagugulat ang naging rebelasyon: GLADYS, makikiusap kay JUDY ANN para matuloy ang ideya na magsama sa isang concert

    NAKAGUGULAT ang rebelasyon ni GLADYS REYES na isang concert ang ideya niya na maging reunion project nila ni Judy Ann Santos. “Sa totoo lang, naisip ko na yan,” umpisang sinabi ni Gladys. “Kasi inspired by yung ginawa nina ate Sharon at kuya Gabby.” Kailan lamang ay idinaos ang reunion project nina Sharon Cuneta at Gabby […]

  • Quick response ng gobyerno, nakahanda na

    “All hands are on deck in government’s quick response as Typhoon Odette made landfall this afternoon.”   Ito ang tiniyak ni acting Presidential Spokesperson Cabinet Secretary Karlo Nograles.   “As of December 16, 2021,” alas-2 ng hapon nang itaas ng weather forecasters ang Tropical Cyclone Warning Signal # 4 sa Southern Leyte, southwestern portion ng […]

  • Naglabas na ng ‘Official Statement’: ARJO, nag-positive kaya isinugod agad sa hospital dahil sa pre-existing medical condition

    NAGLABAS na ng Official Statement ang Feelmaking Productions Inc. tungkol sa isyung kinasasangkutan ngayon ni Arjo Atayde na nag-positive sa COVID-19 habang tinatapos ang bago niyang pelikula sa Baguio City.     Sa pinadala na official statement ng Head of Production ng new film outfit na si Ellen Criste binigyan linaw nila ang kumalat na balita.   […]