Mga guro, makatatanggap ng P5,000 chalk allowance sa Hulyo 29
- Published on July 26, 2024
- by @peoplesbalita
TINIYAK ni Education Secretary Sonny Angara na nakatakdang ipalabas ang P5,000 “chalk allowance” para sa mga guro kasabay ng pagbubukas ng klase sa Hulyo 29, araw ng Lunes.
“‘Yung chalk allowance will be released very soon, in time for the opening [of classes]. ’Yun talaga ‘yung timing nun eh,” ayon kay Angara.
“Pagka-bukas ng klase, may allowance na si teacher para iyong pangangailangan, iyong pagkukulang doon sa kanyang classroom, pwede niyang punan o dagdagan,” aniya pa rin.
Sinabi pa nito na ang cash allowance ay tax-free.
Madaragdagan pa aniya ito at magiging P10,000 sa susunod na taon.
Nauna rito, ganap nang batas ang panukalang magtataas sa P10,000 teaching allowance ng mga guro sa pampublikong paaralan sa buong bansa.
Ito’y matapos lagdaan ni Pangulong Ferdinand Marcos Jr., ang RA 11997 o Kabalikat sa Pagtuturo Act sa Palasyo ng Malacañang.
Sa ilalim ng batas, mula sa P5,000 ay gagawin nang P10,000 taunang teaching allowance ng mga guro na maaaring gamitin sa pagbili ng teaching supplies at materials tulad ng chalk, incidental expenses, at iba pang gastos kapag nagtuturo.
Samantala, para naman kay Angara, isa sa may akda ng batas noong siya ay isa pa lamang senador, na ang batas ay “results in fewer instances when teachers have to make out-of-pocket expenses in the performance of their duties.” (Daris Jose)
-
Ads March 19, 2024
-
Ex-PDEA agent Morales pipigain sa Senado
BALAK pigain ng Senado si dating Philippine Drug Enforcement Agency (PDEA) agent Jonathan Morales sa susunod na pagdinig upang malaman kung sino ang nasa likod ng kanyang rebelasyon tungkol sa “PDEA leaks” na nagsasangkot kay Pangulong Ferdinand Marcos Jr. at iba pang celebrity sa paggamit ng ilegal na droga. “Itanong natin ‘yan sa […]
-
Djokovic umatras na sa pagsali sa Madrid Open
Umatras na sa pagsali sa Madrid Open si World number one Novak Djokovic sa pagsali sa Madrid Open dahil pa rin sa banta ng COVID-19. Sa kaniyang Twitter sinabi nito na hindi na muna ito maglalaro sa nasabing torneo na gaganapin sa susunod na linggo. Huling lumaban ang 33-anyos na si […]