• September 1, 2024
  • Search in People's Balita

  • Ang Diyaryong Pinagkakatiwalaan

 

Pagcor, umamin na ‘big challenge’ ang kumbinsihin ang foreign investors

INAMIN ni Philippine Amusement and Gaming Corporation (Pagcor) Chairman Alejandro Tengco na isang malaking hamon ang kumbinsihin ang mga foreign investors na ang pagba-ban sa natitirang legal Philippine offshore gaming operators (POGOs) ay may kabutihang dulot sa bansa.
“Iyan po ang magiging malaking hamon sa amin para makumbinse sila na talagang ito’y ginagawa para sa kabutihan ng buong bansa,” ang sinabi ni Tengco sa kamakailan lamang na House committee hearing.
Tugon ito ni Tengco kasunod ng pag-aalala ni Bulacan 5th district Rep. Ambrosio “Boy” Cruz sa posibleng “mixed signals” na maidudulot G pagba-ban sa mga POGOs sa foreign investors.
“Yung 43 na compliant, mga investors na matitino pagkatapos biglang magsasarado. Baka we’ll be sending mixed signals sa mga good investors dito sa Pilipinas,” ayon kay Cruz.
Patunay sa sentimenyento ng mambabatas, sinabi ni Tengco na nakatanggap na sila ng tawag mula sa grupo ng Singaporean investors na kinukuwestiyon ang pagba-ban sa POGOs dahil direktang makaaapekto ito sa licensed online gambling hubs.
Ang POGOs ay iniugnay sa criminal syndicates, na may kamakailan lamang na pagsalakay sa mga establisimyento na nagpapakita ng pruweba at patotoo ng krimen gaya ng tortyur, prostitusyon at kidnapping.
Habang hindi naman dinitalye ni Tengco kung paano nila ipaliliwanag sa mga investors, inamin naman niya na posibleng ang tingin ng gaming regulator sa hakbang na ito ay isang malaking problema.
Gayunman, tiniyak naman niya sa mga mambabatas na ang natitirang 43 legitimate POGO, tinatawag ngayon bilang Internet Gaming Licensees (IGLs)—ay siguradong susunod sa direktiba ni Pangulong Marcos.
Dahil dito, sinabi ni Tengco na nakikipag-ugnayan na ang Pagcor sa Department of the Interior and Local Government (DILG) at Department of Labor and Employment (DOLE) para itatag ang isang inter-agency task force na mangangasiwa sa pagsasara ng mga natitirang POGOs.
Binigyang diin nito na nakatakda silang ipagpatuloy ang pagmo-monitor sa mga lungsod at munisipalidad na tukoy na mayroong underground o illegal POGOs.
(Daris Jose)
Other News

  • Saso kumita ng P564K

    BITIN ang paghahabol ni Yuka Saso na naka- two- under -70 pa-total 286 at humilera sa walong magkakatabla para sa ika-14 na puwesto na may ¥1,226,250 (P564K) bawat isa sa pagwawakas nitong Linggo ng 53rd Japan Women’s Open Golf Cham- pionship 2020 sa The Classic Golf Club sa Miyawaka City, Fukuoka Prefecture na kinopo ni […]

    read more

  • Mga oil firms halos magkakasabay na nagpatupad ng dagdag bawas sa presyo ng kanilang produkto

    HALOS  magkakasabay ang mga kumpanya ng langis na nagpatupad ng dagdag bawas ng kanilang mga produkto.     Mayroong P1.40 ang idinagdag sa kada litro ng gasolina.     Habang ang mayroong P0.50 naman sa bawat litro ng diesel ang ibinawas.     Nagbawas din ang kerosene ng P0.35 ng kada litro.     Naunang […]

    read more

  • Richard Bachmann: New PSC Chairman

    Tinalaga ng Malacañang si Richard Bachmann bilang bagong Chairperson ng Philippine Sports Commission (PSC).     Ang dating University Athletic Association of the Philippines Commissioner ay magiging kapalit ni Noli Eala, na nai-appoint ni Pangulong Ferdinand Marcos Jr. noong buwan lamang ng Agosto.     Maliban sa pagiging bahagi ng Athletic Association, naging team governor […]

    read more
People's Balita.
All rights reserved. © Copyright 2024.