DA, tiniyak ang 24/7 DRRM ops para sa mga disaster-affected farmers
- Published on July 30, 2024
- by @peoplesbalita
TINIYAK ng Department of Agriculture (DA) ang 24/7 Disaster Risk Reduction and Management (DRRM) ops para sa mga disaster-affected farmers.
Layon nito na maayos na suriin ang epekto ng pinalakas na southwest monsoon o Habagat at bagyong Carina sa buong sektor.
“Lahat po ng concerns ay pwede pong tanggapin sa bawat regional field office, nakatutok,” DA Assistant Secretary Arnel de Mesa sa isang panayam.
Sinabi pa ni De Mesa na maaaring dumirekta ang mga magsasaka sa DA regional offices at municipal agriculturists.
Kabilang naman sa available na tulong ay ang 72,174 bags ng rice seeds; 39,546 bags ng corn seeds; 59,600 pouches at 1,966 kg ng vegetable seeds; P25,000 halaga ng loan sa ilalim ng Survival and Recovery (SURE) Loan program mula sa Agricultural Credit Policy Council, na may zero interest at payable ng tatlong tao; at aktibasyon o pagpapagana sa pondo sa ilalim ng quick response fund at Philippine Crop Insurance Corp.
“Sa ngayon, 11,003 magsasaka ang apektado, may agricultural damage na P251.21 million,” ayon sa DA-DRRM Bulletin No. 9.
“Maliit pa ito kumpara sa, base sa mga nararanasan natin sa mga nakalipas na taon. Umaasa rin tayo na hindi masyadong magiging malala iyong pagpasok ng La Niña,” ayon kay De Mesa.
Ang rice sector ang nagtamo ng ‘most damage’ na may P228.23 million o 2,912 MT (metric tons) pagdating a volume, sinundan ng mais na may 297 MT (P14.08 million), high value crops na may 228 MT (P8.75 million) at livestock na may P143,300.
Nauna rito, sinabi ng DA na may 500,000 MT hanggang 600,000 MT production ang inaasahan na magiging lugi sa bawat taon dahil sa natural calamities. (Daris Jose)
-
PS-DBM pinabubuwag sa Senado
PABOR si Senate Minority Leader Aquilino “Koko” Pimentel III na buwagin ang Procurement Service of the Department of Budget and Management (PS-DBM) na sangkot sa pagbili ng P2.4 bilyon na umano’y maanomalyang laptops noong 20221. Sinabi ni Pimentel, na ang PS-DBM ay tagong departamento ng DBM at ang kanilang pinuno ay hindi dumaraan […]
-
GARY, hinihiling na ipagdasal na hindi mahawa sa Covid-19; ANGELI, tanggap na nag-positive ‘wag lang ang asawa
NAGPASALAMAT si Angeli Pangilinan-Valenciano sa mga nag-wish sa kanya ng ‘get-well soon’ dahil sa nag-positive siya sa Covid-19. “Gosh, nagsilabasan lahat ng mga mahal ko sa buhay!” Pero huwag daw mag-alaala sa kanya ang mga friends niya at nag-post siya ng: “Guess why I posted this? Here I am isolated because […]
-
OBRERO SA MALACANANG, NAKURYENTE
NASAWI ang isang 21 anyos na construction worker nang makuryente matapos hawakan ang steel scaffolding sa kanilang barracks sa loob ng Malacanang Park Huwebes ng hapon. Kinilala ang biktima na si Leonard Bulado Jr y Llanto,binata, tubong Masbate City at stay-in sa EP Clubhouse barracks sa loob ng Malacanang. Sa ulat […]