VP Sara kinumpirma nilulutong impeachment laban sa kanya
- Published on August 22, 2024
- by @peoplesbalita
MISMONG si Vice President Sara Duterte ang kumumpirma na may nilulutong impeachment complaint laban sa kanya sa House of Representatives (HOR).
Ayon kay Duterte, mayroon pa naman silang mga kaibigan sa Kamara na nagpaparating sa kanila ng balita.
Ginawa ni Duterte ang pahayag matapos dumalo sa budget hearing ng panukalang 2025 budget ng Office of the Vice President (OVP).
Sinabi rin ni Duterte na hinihintay lamang nila ang susunod na gagawin ng mga gustong magpabagsak sa kanilang pamilya.
“Basta kami inaantay lang namin ang kanilang gagawin dahil expected na ‘yun na gagawin nila dahil gusto nilang pabagsakin ang pamilya Duterte sa pulitika. Hindi lang sa pulitika, sa personal dahil sinama nila asawa ko sa harassment nila,” anang bise presidente.
Ang nilulutong impeachment laban sa kaniya ay bahagi lamang ng “playbook” laban sa kanilang pamilya.
Ayon pa kay Duterte, ang ginagawa sa kaniyang pamilya ay bahagi ng isinusulong na Charter Change kung saan nais umano ng mga nakaupo ngayon na huwag nang umalis sa puwesto.
Matatandaan na kinasuhan ni dating Senador Antonio Trillanes IV sa Department of Justice (DOJ) ng drug smuggling si Davao City 1st district Rep. Paolo “Pulong”Duterte, Atty. Mans Carpio at dating Bureau of Customs (BOC) Commissioner Nicanor Faeldon.
Nag-ugat ang kaso sa P6.4 bilyong halaga ng shabu shipment na nasabat noong 2017. (Daris Jose)
-
Digital COVID-19 vaccine IDs sa NCR handa na Setyembre 1 – Abalos
Handa na pagsapit ng unang araw ng Setyembre ngayong taon ang digital COVID-19 vaccine certificates o IDs para sa National Capital Region, ayon kay Metropolitan Manila Development Authority (MMDA) chairman Benhur Abalos. Kinukolekta na kasi aniya ng Department of Information and Communications Technology (DICT) ang lahat ng datos hinggil sa COVID-19 vaccination sa […]
-
3 kelot dinampot sa baril sa Malabon
SA loob ng kulungan gugunitahin ng tatlong lalaki ang Semana Santa matapos makuhanan ng hindi lisensyadong baril sa magkahiwalay na operation ng pulisya sa Malabon City. Sa kanyang report kay Northern Police District (NPD) Director PBGen Ponce Rogelio Peñones Jr, sinabi ni Malabon police chief P/Col. Amante Daro na nakatanggap ng impormasyon ang […]
-
PNP naghahanda sa Alert Level 1
PINAGHAHANDA na ni (PNP) chief Gen. Dionardo Carlos ang lahat ng commander sa National Capital Region (NCR) sa posibleng pagpapatupad ng Alert Level 1 status bunsod na rin ng rekomendasyon ng Metro Manila Mayors simula Marso 1. Ayon kay Carlos, kasama sa paghahanda ay ang pinalakas na police visibility upang matiyak na nasusunod […]