Paglabag daw sa human rights ang pagpasok ng 2,000 pulis sa compound ng KOJC, “I don’t think so.”- PBBM
- Published on August 28, 2024
- by @peoplesbalita
“I DON’T THINK SO.”
ITO ang naging tugon ni Pangulong Ferdinand Marcos Jr., sa isang ambush interview matapos pangunahan ang Oath-Taking Ceremony para sa mga newly elected officers ng National Press Club (NPC), Kapisanan ng mga Broadcasters ng Pilipinas (KBP) Malacañang Press Corps (MPC), Presidential PhotoJournalists Association (PPA) at Malacañang Cameraman Association (MCA) sa Heroes’ Hall, Palasyo ng Malakanyang, araw ng Martes, Agosto 27 nang tanungin kung may nangyaring paglabag sa karapatang pantao nang pumasok ang 2,000 pulis sa Kingdom of Jesus Christ (KOJC) compound para hanapin si Pastor Apollo Quiboloy.
“The reason we did this was so that we can contain the peace. The only way to maintain the peace is to make sure that the area is safe and is secure,” ayon sa Punong Ehekutibo.
Kinonsidera rin ng Pangulo ang 30-hectare compound kung saan kailangan talaga ng maraming tao. Hindi aniya puwedeng gawin ito ng isang dosenang pulis lamang.
“Hindi na bale ‘yung lumalaban o nagre-resist, nanghaharang. Di na bale muna ‘yon, para lang ‘yung pag-inspeksyon ng 30 hectares kailangan mo na agad ng maraming tao. So I do not see. I think what they’re talking about, political na ‘yan,” ayon pa rin sa Pangulo.
Bukod dito, binigyang diin ng Pangulo na lahat ng pumasok na pulis sa compound ay hindi armado at walang baril kahit isa.
Hindi rin aniya gumamit ng tear gas ang mga pulis.
“Wala kaming ginawang ganoon. So anong human rights violation. Marami lang. Kung kokonti, mas marami pang nasaktan na supporters ng KOJC, maraming nasaktan na pulis dahil manlalaban. Kung marami tapos agad ang problema, so that’s what we’ve done,” ang sinabi ng Pangulo.
Sa kabilang dako, hindi aniya niya maintindihan kung bakit dinadamay ni Quiboloy ang mga tauhan nito.
“Kasi sinasabak niya mga tauhan niya eh wala namang kasalanan mga ‘yan, they just believe, they are looking for an answer, a value system and they think they have found it with Quiboloy, but they did not sign up to be in the frontline of this kind of thing that’s happening now, that they’ll protect him from arrest even when he has case was filed against him not only here in PH but also in the US,” litaniya nito.
“I suppose I can understand their disagreement with us, even anger, but all the police are doing is enforcing the warrant of arrest against Apollo Quiboloy,” aniya pa rin. (Daris Jose)
-
OPERASYON NG NBI SA BACOLOD, SINUSPINDE
SINUSPINDE ang operasyon ng isang sangay ng National Bureau of Investigation(NBI) sa Bacolod matapos na magpositibo sa Covid-19 ang lima nitong personnel. Ayon sa NBI, kapwa personnel ng administrative at clearance section ang mga nagpositibo sa sakit. Hanggang Enero 22 umano suspindido ang operasyon at muling magbubukas sa Enero 25, araw ng Lunes. Sinabi naman […]
-
Tulak kalaboso sa P.3M droga sa Valenzuela
BALIK-SELDA ang isang umano’y tulak ng ilegal na droga na itinuturing bilang high value individual (HVI) matapos makuhanan ng mahigit P.3 milyong halaga ng shabu sa isinagawang buy bust operation ng pulisya sa Valenzuela City, kahapon ng madaling araw. Kinilala ni Valenzuela police chief P/Col. Salvador Destura Jr. ang naarestong suspek na si […]
-
Ilang flights sa NAIA terminal 2, ililipat sa NAIA terminal 1
SIMULA Disyembre 1 ay ililipat na ang ilang mga flights mula NAIA Terminal 2 patungo sa NAIA Terminal 1. Sa Laging Handa public briefing, inanunsyo ni Manila International Airport Authority (MIAA) assistant general manager Brian Co na gagawin nila ang hakbang upang ma-decongest ang NAIA Terminal 2 dahil na din sa dami ng […]