Kahalagahan ng Agosto 21‘wag kalimutan
- Published on August 23, 2024
- by @peoplesbalita
MARIING hinikayat ni dating Manila Mayor at Buhay Partylist Rep. Lito Atienza ang mga Pilipino na huwag kalimutan ang kahalagahan ng Agosto 21 sa kasaysayan ng ating bansa tulad nang pagpapasabog sa Plaza Miranda noong 1971 at ang pagpatay kay dating senador Benigno “Ninoy” Aquino, Jr. noong 1983.
“Dapat tayong mga Pilipino ay huwag kalimutan ang Agosto 21 na isang araw ng kapighatian. Alalahanin natin ang kahalagahan ng dalawang pangyayaring ito sa ating kasaysayan bilang isang bansa,” ayon pa kay Atienza.
Malinaw na rin aniya na ang Plaza Miranda bombing ay pinlano at isinagawa ng mga kaaway ng estado, ang New People’s Army (NPA), ayon sa mga umamin sa pakana ng malupit na pag-atake gamit ang granada sa mga miyembro ng oposisyon at hindi ni dating Pangulong Ferdinand Marcos Sr. na siyang unang inakala ng marami.
Bilang dating alkalde ng Maynila, sinabi ni Atienza na hinukay nila ang katotohanan kaya natiyak niya na ang NPA ang may sala sa mababang uri ng pag-atake sa Liberal Party rally, kung saan siya ay isang batang kandidato para sa City Council.
Ang pagpapalit din ng petsa ng pag-alala sa pagkamatay ni Ninoy na mula sa Agosto 21 at inilipat sa Agosto 23 ay hindi nakakababa sa halaga ng kanyang sakripisyo at patriotismo.
Dagdag pa ni Atienza, palagi nating alalahanin ito ng may pagmamahal at manatili itong buhay sa ating mga puso at isipan.
-
DOTr kampanteng di matutuloy ang transport strike vs jeepney phaseout
NANANALIG ang Department of Transportation (DOTr) na hindi matutuloy ang pinaplanong transport strike ng mga tsuper at operator ng public utility vehicles sa susunod na linggo, ito habang naghahanda ng mga alternatibong masasakyan ng publiko kung sakaling tuloy ang welga. Nagbabalak kasi ng tigil-pasada ang ilang operator at driver ng jeep at UV […]
-
PGH Director Dr. Gap Legaspi pinakaunang tinurukan ng Sinovac vaccine sa Pinas
Nagsimula nang gumulong ang COVID-19 vaccination program ng pamahalaan kung saan pinakaunang tinurukan ng bakuna sa Pilipinas kontra sa respiratory disease na ito ay si Philippine General Hospital Director Gap Legaspi. Dakong alas-9:00 nitong umaga nang magsimula ang ceremonial rollout ng COVID-19 vaccination plan ng pamahalaan gamit ang dumating kahapon na CoronaVac shots, […]
-
PSA, inilunsad ang Philsys Institutional Registration sa Bulacan para sa mga kawani ng gobyerno
LUNGSOD NG MALOLOS –Upang mapadali ang pag-access sa national identification system ng mga kawani ng gobyerno, inilunsad ng Philippine Statistics Authority (PSA) ang Philsys Institutional Registration sa Pamahalaang Panlalawigan ng Bulacan sa ginanap na “#DutyFirst Kapitolyo, Rehistrado” sa Bulacan Capitol Gymnasium dito kahapon. Ang Philippine Identification System o Philsys ay ang central identification platform ng gobyerno na naglalayong magtatag […]