2 TULAK TIMBOG SA P.7M SHABU
- Published on August 10, 2020
- by @peoplesbalita
DALAWANG umano’y notoryus drug pushers ang nalambat ng mga awtoridad matapos makuhanan ng higit sa P.7 milyon halaga ng shabu sa isinagawang buy-bust operation sa Navotas City, kamakalawa ng gabi.
Kinilala ni Norhern Police District (NPD) Director P/Brig. Gen. Ronaldo Ylagan ang naarestong mga suspek na si Jessie Villazur, 36, ng J.A. Roldan St., at Percival Dela Cruz, 39, ng No. 17, M. Cabre St., kapwa ng Brgy. San Roque, ng lungsod.
Ayon kay Gen. Ylagan, dakong alas-9:30 ng gabi nang isagawa ng mga operatiba ng District Drug Enforcement Unit (DDEU) ang buy-bust operation sa Brgy. San Roque kontra sa mga suspek makaraan ang ilang serye ng surveillance sa kanila.
Isang undercover pulis na nagpanggap na poseur-buyer ang nagawang makapagtransaksyon sa mga suspek ng P5,000 halaga ng shabu.
Matapos tanggapin ng mga suspek ang marked money mula sa poseur-buyer kapalit ng isang sachet ng shabu ay agad silang sinunggaban ng mga operatiba.
Nang kapkapan, nakumpiska sa mga suspek ang aabot sa 104 gramo ng hinihinalang shabu na may standard drug price na P707,200 ang halaga, buy-bust money na binubuo ng isang tunay na P1,000 at apat na P1,000 boodle money, 2 cellphones at digital weighing scale.
Kakasuhan ang mga suspek ng paglabag sa Comprehensive Dangerous Drugs Act of 2002 sa Navotas City Prosecutors Office. (Richard Mesa)
-
Banta ng Delta variant: Mga magulang, pinayuhang ‘wag palabasin mga bata
Hinihimok ng Metropolitan Manila Development Authority (MMDA) ang mga magulang at bantay ng mga bata na kung maaari ay panatilihin na lamang sa loob ng bahay ang mga menor de edad. Ito’y sa harap na rin nang patuloy na pagtaas ng COVID-19 (Coronavirus Disease 2019) Delta variant cases at habang pinag-aaralan pa ng […]
-
‘House-to-house’ visits vs COVID-19 case ipatutupad
Posibleng magpatupad ang gobyerno ng “house to house” visits kung kinakailangan para madala agad sa isolation facilities ang mga COVID-19 patients. Sinabi ni National Task Force (NTF) against COVID-19 spokesman Retired Maj. Gen. Restituto Padilla na ngayong nasa ilalim ng enhanced community quarantine (ECQ) ang National Capital Region (NCR), Cavite, Bulacan, Laguna at […]
-
Top 2 most wanted person ng Malabon, nalambat
ISINELDA ang 25-anyos na delivery rider na listed bilang top 2 most wanted sa kasong pagpatay matapos mabitag ng pulisya sa isinagawang manhunt operation sa Malabon City, kahapon ng umaga. Kinilala ni Malabon police chief P/Col. Amante Daro ang naarestong akusado bilang si Roderick Jr, Santos alyas Roderick Santos, 25, delivery rider, at residente […]