Pulis na sangkot sa duterte drug war, kailangan ng legal aid

SANG-AYON ang mga lider ng Kamara na kailangang tumulong ang gobyerno lalo na sa pagbibigay ng legal aid sa mga pulis na nakaharap sa kasong kriminal at administratibo dahil sa kanilang partisipasyon sa war on drugs ng dating administrasyon.

Sinabi ni Surigao del Norte Rep. Robert Ace Barbers, Quad Committee overall presiding officer, na may mga pulis na nakaharap sa kasong administratibo at kriminal na nangangailangan ngayon ng legal assistance na ipinangako sa kanila ng Duterte administration.

“Nangangailangan po sila ng abogado. In fact, yung iba ay napipilitan pong mangutang sa … PSSLAI (Public Safety Savings and Loan Association, Inc.) para lang makapagbayad ng abogado na makatutulong sa kanilang pagharap dito sa korte dahil nga po sila ay nahaharap sa mga kaso. Isa lang ho ang kanilang sinasabi na nasaan daw iyung pangako sa kanila na tutulungan sila sa mga kaso at kung ma-convict sila,” Barbers said.

He said such promised help is unlikely to come because pardon cannot be exercised by the former President. “Di na mangyayari ngayon yun dahil nga ang pardon ay nagagawa lamang po ng dating Pangulo. So ngayon ay medyo nagkakaproblema po iyung ibang mga miyembro ng PNP na kung saan ay sa kanilang pagtupad sa kanilang duty to serve the people, sila po ay nakakaharap sa administrative and criminal cases,” ani Barbers.

Isinusulong naman ni Quad Comm co-chair at Sta. Rosa City Rep. Dan Fernandez ang pagsasagawa ng motu proprio investigation upang mabatid ang katotohanan laban sa mga akusadong pulis.
“May intention ba talaga or it was really a call of duty? So kailangan natin malaman yung experience ng mga naapektuhan ng war on drugs,” anang mambabatas.

Batay aniya sa datos mula kay Philippine National Police chief Rommel Marbil, nasa 195 pulis ang na-dismiss mula sa serbisyo at 398 ang nakaharap naman sa dismissal proceedings.

“So papaano iyung pamilya nila? Nawalan sila ng jobs, nawala iyung kanilang life, iyung kanilang dignity as well, in following those orders. Now we wanted to investigate in order to find out what are the necessary things to do especially dito sa mga pamilyang ito. Kailangan siguro po natin ma-distinguish iyung isang lawful order and unlawful acts na ginawa ng mga pulis. Kasi kung mapapansin nyo na-dismiss sila eh. Mga lower ranks sila eh. Hindi nila alam na yun ang ginawa nila is unlawful. Di ba may pronouncement ang (dating) Presidente na, ‘I alone will be responsible for the effects of the war on drugs.’ Now na nangyari sa kanila ito, so sino ang tutulong kanila? So I think the government should also step in in order to find out yung culpability na nila talaga,” dagdag ni Fernandez.
Ayon kay Manila Rep. Bienvenido Abante Jr., Quad Comm co-chair, layon ng komite na tulungan ang mga pulis.

“Merong mga kapulisan natin na gustong magsabi ng katotohanan. Pinag-usapan na namin ito eh that we are there to help. We’re there to ask the DOJ to perhaps provide the witness protection on them. Sa protection for policemen who are honest enough to tell the truth. Hindi namin sila pababayaan. That, we could be able to assure them,” ani Abante.

Sinabi naman ni Zambales Rep. Jefferson Khonghun na ang kaso laban sa mga pulis ay nag ugat sa pagsunod nila sa direktiba ng pangulo.

“Nakakalungkot lang na napabayaan yung mga police. Siyempre akala nila na they are following direct orders coming from the former President. So sa ngayon napabayaan sila. So nakakalungkot lang dahil yung sinasabi ni former President is all rhetoric. Sana tulungan nila yung mga pulis na nagkaroon ng kaso sa presidential directive na ito,” pahayag nito. (Vina de Guzman)