Halos P.4M droga, nasabat ng NPD-DDEU sa buy bust sa Valenzuela, 2 tiklo
- Published on December 16, 2024
- by @peoplesbalita
HALOS P.4 milyong halaga ng shabu ang nasamsam sa dalawang drug suspects, kabilang ang isang itinuring bilang High Value Individual (HVI) matapos madakma ng pulisya sa buy bust operation sa Valenzuela City, kamakalawa ng gabi.
Sa kanyang ulat kay Northern Police District (NPD) Acting Director P/Col. Josefino Ligan, kinilala ni P/Capt. Regie Pobadora, OIC chief ng District Drug Enforcement Unit (DDEU) ang naarestong mga suspek na sina alyas “Allan”, 32, (HVI) at alyas “Lai”, 41, kapwa ng Brgy. Malinta.
Ayon kay Capt. Pobadora, ikinasa nila ang buy bust operation kontra kay alyas Allan matapos magpositibo ang natanggap nilang impormasyon hinggil sa umano’y illegal drug activitiesa nito.
Kaagad pinasok ng mga tauhan ni Capt. Pobadora ang isang bahay sa Dulong Tangke, Brgy. Malinta saka inaresto ang mga suspek dakong alas-8:13 ng gabi matapos matanggap ang senyas mula sa isang operatiba na nagpanggap na poseur-buyer.
Nakumpiska kay alyas Allan ang humigi’t kumulang 56 grams ng hinihinalang shabu na nagkakahalaga ng P380,800.00, P1,000 buy bust money, digital weighing scale at itim na silang bag.
Sasampahan ng pulisya ang mga suspek ng kasong paglabag sa RA 9165 o ang Comprehensive Dangerous Drugs Act of 2002 sa Valenzuela City Prosecutor’s Office.
Pinuri ni PBGEN Anthony Aberin, Acting Regional Director ng NCRPO, ang kasipagan ng NPD sa ilalim ng pamumuno ni COL Ligan sa patuloy na kampanya laban sa illegal na droga kung saan binigyang-diin ang kahalagahan ng patuloy na pakikipagtulungan sa pagtiyak ng kaligtasan at seguridad ng komunidad.
Inihayag naman ng NPD ang dedikasyon nito sa pagpapanatili ng batas at kaayusan sa pagpuksa sa mga operasyon ng ilegal na droga upang mapaunlad ang isang mas ligtas na kapaligiran para sa komunidad. (Richard Mesa)
-
Busy rin sa movie nila ni Yassi: RURU, excited nang makatrabaho si MATTEO sa aksyon-serye
INAMIN ni Kapuso actress Gabbi Garcia na ang boyfriend na si Khalil Ramos na ang kanyang ’the one’ sa interview ni Boy Abunda sa programa nitong “Fast Talk with Boy Abunda.” Sa ngayon ay six years na silang magkarelasyon at napag-usapan na nilang dalawa kung paano mapapanatili ang kanilang relasyon at naniniwala sila […]
-
‘DAANG DOKYU’ CLOSES WITH 6 FILMS FOR THE SECTION CALLED ‘FUTURE’
IMAGINE behind-the-scenes footage from the sets of Lav Diaz, Erik Matti, Dan Villegas, and Dodo Dayao repurposed into an uncanny narrative summoning present-day milieus involving police, prisoners, and fascism. That’s John Torres’ We Still Have to Close Our Eyes (2019), which will have its Philippine debut at Daang Dokyu on October 30, 2020. The […]
-
PBBM, madamot na magbigay ng komento sa isyu ng speakership sa Kongreso
HANGGANG sa ngayon ay madamot pa rin si Pangulong Ferdinand Marcos Jr. na magbigay ng komento sa isyu ng liderato sa Mababang Kapulungan ng Kongreso sa gitna ng umugong na balita na plot o planong patalsikin si Speaker Martin Romualdez sa posisyon nito. “I won’t make any comments about the speakership, as of […]