• March 14, 2025
  • Ang Diyaryong Pinagkakatiwalaan

8 KASO NG DENGVAXIA NA IBINASURA NG QC RTC, NAIS BUHAYIN NG SOLGEN

SUPORTADO ng mga kamag-anakan ng mga batang mag-aaral na nasawi sa diumano’y sanhi ng Dengvaxia vaccine ang legal na hakbang ng Office of the Solicitor General na buhayin ang na-dismiss ng Quezon City Regional Trial Court na walong kaso ng Dengvaxia.
Pinuri ni Sumachen Dominguez, pangulo ng Samahan ng mga Magulang, Anak at Biktima ng Dengvaxia, si Solicitor General Menardo Guevarra sa kanyang pagsasampa ng mga petitions for review on certiorari sa Court of Appeals upang kuwestyunin ang pagbasura ng Quezon City Regional Trial Court sa mga kasong kriminal na isinampa laban kay dating Department of Health Secretary Janette Garin, ngayon ay Iloilo congresswoman, dating Philippine Children’s Medical Center director na si Julius Lecciones, Dr. Vicente Belizario Jr., Dr. Kenneth Hartigan-Go, Dr. Irma Asuncion, Dr. Maria Joyce Ducusin, Dr. Gerardo Bayugo, Dr. Rosalind Vianzon, Carlito Realuyo at Conchita Santos.
“This petition for Certiorari under Rule 65 of the Revised Rules of Court seeks to reverse, annul, and set aside the following issuances rendered by Respondent Judge Cleto R. Villacorta III, Presiding Judge of Branch 229, Regional Trial Court, Quezon City, in Criminal Case Nos. R-QZN-20-08619-CR, R-QZN-21-05256-CR, R-QZN-22-03837-CR, R-QZN-22-03938-CR, R-QZN-20–08618-CR, R-QZN-09218-CR, R-QZN-20-09662-CR, and R-QZN-20-03936-CR, all entitled People of the Philippines v. Dr. Janette L. Garin, et al.,” saad ni Guevarra sa kanyang petisyon.
Kinuwestyon rin ni Guevarra ang mga kautusan ni Villacorta na sang-ayunan ang mga demurrer to evidence na inihain nina Garin at iba pang respondents.
“The Orders were issued with grave abuse of discretion amounting to lack or excess of jurisdiction, and there is no appeal or any plan, adequate, and speedy remedy in the ordinary course of law available against them, ”diin niya sa kanyang petisyon sa Court of Appeals.
“Kami bilang mga magulang ay nagagalak na makahanap ng kakampi sa Office of the Solicitor General na makamit ang katotohanan,” saad ni Dominguez.
“Labis po kaming nalulungkot nang malaman namin na ang isinampa naming mga kaso ay nabasura lamang ng korte,” dagdag niya.
Noong Nobyembre 2017 naglabas ang Sanofi Pasteur Inc. ang vaccine manufacturer, ng isang official statement sa kanyang website na inaamin na ang Dengvaxia vaccine ay makapagdudulot ng adverse effects sa mga taong walang previous dengue infection.
“Dengvaxia provides persistent protective benefits against dengue fever in those who had prior infection. For those not previously infected by dengue virus, however, more cases of severe disease could occur following vaccination upon a subsequent dengue infection, ”saad ng Sanofi.
Sa ilalim ng administrasyon ni Garin, ang Department of Health ay nag-procure ng Dengvaxia vaccine na nagkakahalaga ng P3.5 billion para sa mass vaccination ng mga mag-aaral sa mga pampublikong paaralan. (PAUL JOHN REYES)
Other News
  • Opensa Depensa Ni REC Alaska Milk babu na sa PBA

    TATAPUSIN na lang ng Alaska Milk ang kasalukuyang 46th Philippine Basketball Association 2021-22 Governors’ Cup bago magpaalam sa unang propesyonal na liga ng sport sa Asya sa taong ito.     “All good things come to an end,” namamalat na bulalas ni team owner Wilfred Steven ‘Fred’ Uytengsu Jr.  sa pinatawag na Zoom press conference […]

  • Kakulangan ng valid ID at digital literacy, dahilan ng mabagal na SIM registration sa bansa

    KAKULANGAN sa government valid IDs at digital literacy ng mga SIM card subscribers ang itinuturong dahilan ngayon kung bakit nagiging mabagal ang pag-usad ng SIM registration sa bansa.     Sa ngayon kasi ay aabot pa lamang sa 66 million o 39 percent ng kabuuang bilang na 168 million ng mga SIM card users sa […]

  • Valenzuela, nakuha ang 1st Place sa 2024 National Literacy Awards

    NAG-UWI ang Lungsod ng Valenzuela ng isa pang major award at tinanghal na Gawad Liyab 1st Placer para sa Outstanding Local Government Unit – Highly Urbanized/Independent Component City Category sa 2024 National Literacy Awards ng Department of Education sa pamamagitan ng Literacy Coordinating Council (LCC) sa Mandaue City Cebu.     Kinilala ang pambihirang paghahatid […]