PBA Special Awards sa online/tv na lang muna
- Published on January 7, 2021
- by @peoplesbalita
Idaraos ang PBA Season 45 Special Awards sa Enero 17 sa pamamagitan ng iba’t ibang digital platforms.
Dahil sa epekto ng coronavirus disease (COVID-19) pandemic, mas minabuti ng pamunuan ng liga na idaos na lamang ito sa online conferencing.
Igagawad ang iba’t ibang individual awards kabilang na ang Best Player of the Conference sa nakalipas na Philippine Cup na ginanap sa isang bubble setup sa Clark, Pampanga.
Ibibigay din ang Outstanding Rookie, Special Team, All-Defensive Team, Most Improved Player at ang Samboy Lim Sportsmanship Award.
Maliban sa online platforms, ipalalabas din ang paggawad ng parangal sa mga natatanging players sa TV5, PBA Rush at One Sports.
Ganito rin ang magiging setup sa PBA Annual Rookie Draft.
Mula sa dating actual venue sa Robinsons Place Manila, magiging online na lamang ito para makaiwas sa social gathering na ipinagbabawal pa rin ng Inter-Agency Task Force.
Nakatakda ang deadline ng pagsusumite ng aplikasyon para sa rookie draft sa Enero 27 habang sa Marso 14 ang actual rookie draft.
Pinag-aaralan pa ng PBA kung magkakaroon ng Draft Combine at kung saan ito idaraos.
Nagkaroon ng Draft Combine ang Women’s National Basketball League noong Disyembre sa Victoria Sports Complex sa Quezon City.
Ito rin ang posibleng pagdausan ng Draft Combine sakaling matuloy ang plano.
-
Ads October 26, 2022
-
Pagbibigay ng emergency use authorization ng FDA sa Sinopharm posibleng matapos na
Posibleng matapos na hanggang sa susunod na linggo ng Food and Drugs Administration (FDA) ang evaluation para sa emergency use authorization (EUA) application ng Sinopharm para sa kanilang COVID-19 vaccine. Sinabi ni FDA Director General Eric Domingo sa ginanap na pakikipagpulong kay Pangulong Rodrigo Duterte, kasalukuyan nilang pinag-aaralang mabuti ng mga vaccine experts […]
-
Bagong utang ng Pinas, aprubado ng World Bank
INAPRUBAHAN ng World Bank (WB) ang $178.1-million o ₱9.7 bilyong pisong loan o bagong utang ng Pilipinas na naglalayong palakasin ang pagsisikap nito laban sa malnutrisyon, isang linggo bago pa bumaba sa kanyang tanggapan si Pangulong Rodrigo Roa Duterte. Ang “fresh credit” ay para sa Philippine Multisectoral Nutrition Project, na susuporta sa probisyon […]